KPK i hap dritën jeshile, konfirmohet në detyrë prokurorja e Tiranës
Komisioni i Pavaruar i Kualifikimit (KPK) ka konfirmuar në detyrë Antoneta Bejko Sevdari, prokurore pranë Prokurorisë së Rrethit Gjyqësor Tiranë.
Vendimi është njoftuar paraditen e sotme, ndërsa trupa gjyqësore e KPK përbëhej nga Firdes Shuli, Roland Ilia dhe Valbona Sanxhaktari.
Sipas KPK, prokurorja ka qenë e saktë në deklaratat e pasurisë. Bashkeshorti i saj ka qenë subjekt i hetimit dhe ka burime të ligjshme për pasurinë e tij. Ndërkohë që edhe DSIK e ka nxjerrë të përshatshme për detyrën.
Prokurorja Antoneta Sevdari e ka quajtur të drejtë vlerësimin e KPK.
