KPK konfirmon në detyrë prokurorin e çështjes “Tahiri”
Komisioni i Pavarur i Kualifikimit konfirmon në detyrë prokurorin e Prokurorisë së Krimeve të Rënda Gentian Osmani.
KPK ka vlerësuar se prokurori Osmani e kalon me sukses vetingun pasi i plotëson të tre komponentët për të vazhduar qëndrimin në detyrë.
Pas shpalljes së vendimit, prokurori tha se ndjehet si në ditën kur ka marrë provimet në shkollë.
Prokurori Osmani ishte i pranishëm në seancën e shpalljes së vendimit ndërsa gjatë gjithë procesit të vettingut, ka zgjedhur të mbrohet vetë pa avokat.
Ndryshe, Gentian Osmani është një nga prokurorët që po heton dosjen e ish-ministrit Saimir Tahiri dhe anëtar i grupit hetimor për përgjimin e publikuar nga PD në lidhje me Agron Xhafajn, vëllanë e Ministrit të Brendshëm, Fatmir Xhafaj.
