Kroacia, gati për aktin e fundit/ Modriç: Fal të gjitha Ligat e Kampioneve për Kupën e Botës

Kroacia është gati të shkruajë historinë të dielën në Moskë, por me petkun e skuadrës jofavorite. Madje, më pak favoriten e të gjithë historisë.

Ballkanasit janë finalistja më e dobët në letër sipas renditjes së FIFA-s nga vitin 1993 (kur FIFA nisi të bëjë rankimin).

Ata renditen në vend të 20-të dhe kurrë më parë një kombëtare që është renditur kaq poshtë nuk ka shkuar deri në epilogun e një Botërori.

Kapiteni i kombëtares kroate, Luka Modriç, është shumë i motivuar në prag të finales.

Ai tregon se çfarë rëndësie ka pjesëmarrja në finale për të dhe gjithë Kroacinë, sa që ai do të ishte në gjendje të jepte të gjitha Ligat e Kampionëve të fituara me Real Madrid, vetëm që të arrijë të shpallet kampion i botës.

“Do t’i jepja katër titujt e Ligës së Kampionëve për këtë trofe”, tha Modriç, duke shtuar se “pavarësisht se çfarë ndodhë në finale, ky është suksesi më i madh në historinë e sportit kroat, por ne të gjithë duam të bëhemi kampionë. Kemi karakterin dhe gjithçka tjetër për t’ia dalë në fund”.