Kryeministri Albin Kurti në Forumin Ekonomik në Davos të Zvicrës

Kryeministri i Kosovës, Albin Kurti ka udhëtuar drejt Zvicrës për të marrë pjesë në Forumin Ekonomik Botëror që mbahet në Davos.

“Aty do të takohet me përfaqësues të kompanive të ndryshme dhe liderë politikë si dhe do të marrë pjesë në panelin ‘Dialogu i Diplomacisë për Ballkanin Perëndimor’,” bënë të ditur Zyra e Kryeministrit Kurti duke shtuar se gjatë qëndrimit në Zvicër ai do të zhvillojë takime edhe me mërgatën.

Ndryshe, Forumi Ekonomik Botëror, është një fondacion jofitimprurës zviceran. Njihet si institucion ndërkombëtar për bashkëpunimin publik-privat, misioni i të cilit është si të përkushtohemi për të përmirësuar gjendjen e botës duke angazhuar liderët në fushat e biznesit, politikës, akademik, dhe liderë të tjerë të shoqërisë për të formuar agjendë globale, rajonale dhe industriale.