Kryeministri Kurti ritheksoi mbështetjen e Qeverisë për Manifesta Biennial

Kryeministri Albin Kurti, së bashku me Ministrin e Kulturës, Rinisë dhe Sportit, Hajrulla Çeku, sot ritheksuan mbështetjen e Qeverisë së për Manifesta Biennial në takim drejtoren Hedëig Fijen.

“U bisedua për mbarëvajtjen rreth organizimit të Manifesta Biennial, si organizim i rrallë që po ndodhë për herë të parë në rajon, që do të jetë edicioni më i madh me artistë dhe me vendngjarje. U diskutua edhe për bashkëpunimin me akterë të ndryshëm në kulturë dhe edukim, dhe potencialin për sinergji të reja në të gjithë sferat socio-kulturore në Republikën e Kosovës. Në takim u ritheksua rëndësia e impaktit të bienales në hapjen e mundësive të reja të bashkëpunimit me profesionistët ndërkombëtarë, ngritjen e kapaciteteve profesionale të të rinjve kosovarë në art dhe kulturë, krijimin e mundësive të reja të rimendimit të hapësirave kulturore dhe ri-vitalizimin e skenës kulturore në Kosovë,” thuhet në njoftim.

Ndryshe, Manifesta Biennial me bazë në Amsterdam të Holandës, si një prej ngjarjeve më të rëndësishme të kulturës dhe artit në Evropë, do të hapet më 22 korrik 2022.

Manifesta, Bienalja Nomade Evropiane pritet të sjellë në Prishtinë një program artistik 100 ditor me performanca, punëtori e organizime të ndryshme artistike.