Kryetar i ri i KLP, Alfred Balla

Kryetar i ri i Këshillit të Lartë të Prokurorisë sot u zgjodh Alfred Balla.

Anëtarët e Këshillit të Lartë të Prokurorisë kanë zgjedhur me 10 vota Alfred Ballën në krye të këtij institucioni që drejton organin e akuzës në Shqipëri.

Ndryshe, Alfred Balla u zgjodh anëtar i Këshillit të Lartë të Prokurorisë në shkurt të vitit 2018 nga Parlamenti i Shqipërisë, si përfaqësues i shoqërisë civile dhe prej asaj kohe mbante postin e Zv/Kryetarit.

Këshilli i Lartë i Prokurorisë përbëhet nga 11 anëtarë, gjashtë prej të cilëve zgjidhen nga Mbledhja e Përgjithshme e Prokurorëve dhe pesë të tjerët nga Parlamenti.

Kryetari i KLP ka një mandat 2-vjeçar.