KUJDES! Masat anticovid, ja oraret e lëvizjes në Han të Hotit dhe Muriqan

Me vendim të Komisionit Shtetëror të Menaxhimit të Situatës për COVID-19 në Malit të Zi, duke filluar nga dita e sotme, 25 Nëntor 2020, Pika Kufitare në Han të Hotit dhe Muriqan do të mbyllen nga ora 19:00 deri në orën 05:00 të mëngjesit.

Përjashtim nga ky rregull bëjnë kamionët që kalojnë në kufi, mjetet që udhëtojnë drejt aeroportit, shërbimet e urgjencës dhe mjetet ose shtetasit që kalojnë tranzit në territorin e Malit të Zi.

Njoftimi i policisë:

Autoritetet policore malazeze, nëpërmjet një njoftimi zyrtar kanë informuar se me vendim të Komisionit Shtetëror të Menaxhimit të Situatës për COVID-19, duke nisur nga sot, datë 25.11.2020 dhe çdo ditë, deri në një urdhër të dytë, nga ora 19:00 deri në orën 05:00 të mëngjesit të çdo dite do të ketë ndalim të plotë të qarkullimit në të gjithë territorin e Malit të Zi.

Përjashtim nga ky rregull bëjnë mjetet e tonazhit të rëndë që kalojnë në kufi (kamionët), mjetet që udhëtojnë drejt aeroportit, shërbimet e urgjencës dhe mjetet ose shtetasit që kalojnë tranzit në territorin e Malit të Zi.

Sqarojmë se shtetasit shqiptarë mund të kalojnë nëse janë të pajisur me testin serologjik, brenda orarit të përcaktuar 05:00-19:00.
Duke ju falënderuar për mirëkuptimin.