Kupa e Botës 2026, Francë-Spanjë, u cilësua finalja para finales, sonte pritet të konfirmohet
Katër ekipet më të mira në botë dhe padyshim katër kombëtaret më të përfolura në këtë Kupë të Botës 2026 që erdhën në gjysmëfinale vetëm falë arbitrave, sot, pas 100 ndeshjeve të luajtura në garën për të parin e botës, fillojnë rrugëtimin e tyre drejt finales me përballjen Francë-Spanjë.
U cilësua si finalja para finales si dhe përballja e Mbappé kundër Yamal, por për sonte në orën 21:00, Franca përveç se është e sigurt se përballë Spanjës do luaj një ndeshje spektakolare nuk e përjashton mundësinë ta përcaktoj goalshanënuesin më të mirë të këtij Botërori, pra, Kyliana Mbappé.
Ndonëse dy superfuqitë e futbollit kanë luajtur vetëm një ndeshje kundër njëra-tjetrës në Kupën e Botës deri më tani, ku Franca fitoi në vitin 2006, 3:1, trajneri i Francës, Didier Deschamps, e konsideron Spanjën si favorite, vlerësim të cilin rivali i tij spanjoll, Luis de la Fuente, nuk e pranon: “Jul Cezari gjithmonë thoshte, nuk ka fitore pa vuajtje!”
Për Francën, gjysmëfinalet janë bërë pothuajse rutinë, kjo është e teta e tyre në histori. Nga Just Fontaine me rekordin prej 13 golave në një Kupë të Botës – Suedi 1958, përmes epokës së Platinisë në 1982 dhe 1986 deri te gjenerata e Zidane që ishte kampion në 1998 dhe finalist në 2006, francezët gjithmonë kanë pasur një yll të madh si udhëheqës. Ekipi i sotëm i përket Kylian Mbappé.
Nga ana tjetër, kjo është vetëm gjysmëfinalja e dytë në histori për Spanjën. Edhe pse forca e tyre kryesore bazohet në lojë kolektive, për herë të parë ata po vijnë me një lojtar me një ndikim global që nuk e kanë pasur më parë. Ky lojtar është Lamine Yamal, një i ri që festoi ditëlindjen e tij të 19-të vetëm pak orë para ndeshjes dhe që po kërkon shfaqjen e tij të madhe në këtë kampionat.
Dhe, duhet pranuar se në prag të duelit gjysmëfinalist të Kupës së Botës midis Spanjës dhe Francës sonte në ora 21:00, të gjithë sytë janë drejtuar nga dy yjet planetarë, Kylian Mbappé dhe Lamine Yamal. Në takimet e drejtpërdrejta midis ekipeve të tyre, sulmuesi spanjoll ka një avantazh të habitshëm dhe bindës. Në dhjetë ndeshje, Yamal ka festuar tetë herë, ndërsa kapiteni francez ka fituar vetëm dy herë.
Ky nuk është vetëm një duel midis dy futbollistëve të nivelit të lartë dhe një përplasje e dy ikonave, ndikimi i të cilëve arrin shumë përtej fushave sportive. Ato janë fytyrat që tërheqin kompanitë më të famshme në botë, shfaqja e të cilëve në stadiume shkakton eufori në tribuna, por, dhe një mundësi e Kylian Mbappé që ta kalojë Lionel Messin me numrin e golave të shënuar, në garën për Këpucën e Artë përderisa nuk e rregullon dot bilancin vetëm me këtë përballje me Yamal, kur dihet se në përballjet e këtyre dy kombëtareve sulmuesi spanjoll oshte fitues tetë herë, ndërsa kapiteni francez me kombëtaren e tij fitoi vetëm dy herë.
