Kurban Bajrami, Basha: Zoti qoftë pranë shqiptarëve, u ndriçoftë të ardhmen!
“Zoti na ka bërë sprovë për njëri tjetrin”- thotë Libri i Shenjtë, ndaj si në këtë ditë, çdo ditë duhet të kujtojmë se është sakrifica jonë, është vullneti i mirë, janë aktet të nisura jo me qëllim përfitimi personal, por për të bërë vepra të mira për familjen, për shoqërinë e në veçanti për ata që janë më në nevojë, ato që na lartësojnë para Zotit dhe para njëri tjetrit, thotë Kryetari i Partisë Demokratike, Lulzim Basha, në urimin e tij për Kurban Bajramin, këtë kremtim të sakrificës dhe besimit në Zot ndërsa përfundon:
Gëzuar Kurban Bajramin! Zoti qoftë pranë shqiptarëve, u lehtësoftë ditët e vështira e u ndriçoftë të ardhmen.
Të dashur besimtarë myslimanë,
Gëzuar Kurban Bajramin, këtë kremtim të sakrificës dhe besimit në Zot!
“Zoti na ka bërë sprovë për njëri tjetrin”- thotë Libri i Shenjtë, ndaj si në këtë ditë, çdo ditë duhet të kujtojmë se është sakrifica jonë, është vullneti i mirë, janë aktet të nisura jo me qëllim përfitimi personal, por për të bërë vepra të mira për familjen, për shoqërinë e në veçanti për ata që janë më në nevojë, ato që na lartësojnë para Zotit dhe para njëri tjetrit.
Fatkeqësisht ky Kurban Bajram e gjen vendin tonë mes krizës shëndetësore dhe asaj ekonomike. Pandemia ka shkaktuar viktima dhe shumë qytetarë po trajtohen në spitale ndërsa varfëria ka pllakosur mijëra familje e papunësia po rritet. Le të gjejmë së bashku forcën dhe kurajon sot tek Mesazhi i Kurban Bajramit që dëshmon se nuk ka sprovë që nuk kalohet me besim tek Zoti, e duke u mbështetur tek njëri tjetri.
Gëzuar Kurban Bajramin! Zoti qoftë pranë shqiptarëve, u lehtësoftë ditët e vështira e u ndriçoftë të ardhmen.
