Kurti: Ne duam dialog me serbët e Kosovës, ata janë më të rëndësishëm se Beogradi

Lideri i Lëvizjes Vetëvendosje, Albin Kurti tha se subjekti i tij u jep përparësi serbëve të Kosovës përpara Beogradit dhe dialogu duhet të zhvillohet me serbët e Kosovës.

“Nuk jemi në parim kundër dialogut me Beogradin, por jemi kundër dialogut pa parime me Beogradin. Ne i japim prioritet dialogut me serbët e Kosovës. Nuk bënë ta konsiderojmë më të rëndësishëm Beogradin, se sa serbët e Kosovës,” tha Kurti në emisionin “Debat” në RTK duke shtuar:

“Ne duam dialog me serbët e Kosovës, që dialogu të mos i nënshtrojë prioritetet e shtetit, duam dialog me Brukselin për dialog me Serbinë”.