Kush do ta zëvendësoj Von der Leyen, Politico: Kryeministri kroat ndër më të preferuarit

Presidentja e Komisionit Evropian, Ursula von der Leyen, për një kohë gjatë ishte kandidati kryesor për mandatin e dytë në krye të ekzekutivit të Bashkimit Evropian, por kjo nuk është më e sigurt, shkruan revista e BE, Politico. Kështu dhe u nxit debati se kush mund të jetë zëvendësimi potencial i Von der Leyen.

Politico rendit emrat që lakohen nëpër kulisat e Brukselit ku rezultojnë se janë gjashtë: Mario Draghi, Roberta Metsola, Christine Lagarde, Klaus Iohannis, Andrej Plenkoviç dhe Thierry Breton.

Duke vlerësuar nga 1-5 mundësitë që këta kandidatë kanë për t’u zgjedhur President të KE, Plenkoviç dhe Iohannis janë vlerësuar me notën tre, që sipas Politico kanë mundësitë më të mëdha që të zgjedhen. Draghi dhe Metsola u vlerësuan me notën dy, dhe Lagarde e Breton me notën një.

Ndërkohë Politico thekson se në këtë listë nuk janë liderët e partive politike evropiane që do të përballen me Von der Leyen. 

Plenkoviç zëvendëson Von der Leyen

Politico mendon se me emërimin e Plenkoviçit si shef të ri të Komisionit Evropian do të kënaqeshin thirrjet gjithnjë e më të shpeshta të Evropës Lindore që të merr njërën prej posteve udhëheqëse në BE. Zgjedhja e Kryeministrit të Kroacisë do të ishte gjithashtu një sinjal pozitiv për kandidatët për anëtarësim sepse Kroacia është anëtarja e fundit që u pranua në Bashkimin Eropian. 

Gjithashtu, Politico thekson se publikimi i vendimit nga Plenkoviç për kryesimin e listës së HDZ në zgjedhjet për Parlamentin Evropian ka ngrit dyshime se ai nuk dëshiron ta braktis skenën politike në vend. Madje theksohet se përvoja e tij me siguri se do ti jepte autoritet dhe rast për lidhje me kolegët liderë evropianë.

Plenkoviç ka hedhur poshtë zërat mbi mundësimin e zëvendësimit të Von der Leyen, vlerëson Politico, por kjo mund të konsiderohet si tregues i mirë se ai është i interesuar për punë.

Kush është Klaus Iohannis?

Në analizën e saj, Politico beson se presidenti rumun Klaus Iohannis është konkurenti kryesor i Plenkoviçit. Vlerësohet se Iohannis është dorë e sigurt dhe se është i adhuruar ndër liderët evropian, në veçanti atyre konservatorë. Me këtë rast kujtojnë se Emmanuel Macron dhe Olaf Scholz e kanë përmbytur me lëvdata, që vendin e vetë e ka mbajtur në rrugën properëndimore dhe proevropiane pas pushtimit rus të Ukrainës.

Përparësi e tij është që Rumania, për dallim nga Polonia, ka respektuar fortë rregullat e tregut unik të BE dhe nuk ka imponuar në mënyrë të njëanshme kufizimet për grurin ukrainas. Vendimi i Partisë Popullore Evropiane, EPP, që kongresin e saj zgjedhor ta mbajë në Bukuresht, gjithashtu dëshmon për pozitën e Iohannisit ndër liderët konservatorë të grupit.