Kuvendi shtyn sërisht votimin për ligjin e Magjistraturës/ Balla ftesë të hapur LSI…

Kuvendi ka shtyrë sërisht me kërkesë të Partisë Socialiste dy ligjet që kërkojnë shumicë të cilësuar votash prej 3/5 për tu miratuar.

Pas largimit të opozitës nga seanca e sotme parlamentare, kreu i grupit parlamentar të PS-së, Taulant Balla, tha se Kuvendi do të shtyjë votimin e dy ligjeve, atë të Magjistraturës dhe Kodit Rrugor, pasi për miratimin e tyre duhen të paktën 84 vota.

Por Balla nuk ka nguruar që t’i bëjë një ftesë të hapur LSI për të votuar së bashku këto dy ligje. Pak ditë më parë, Balla deklaroi se mes PS dhe LSI po zhvilloheshin negociata për miratimin e ligjit të Magjistraturës, por kjo deklaratë e kreut të grupit parlamentar të PS u hodh poshtë nga zyrtarët e LSI-së.