Lezhë, edhe kur ikin pushuesit, rrëmujë në trafik

Edhe e diela e fundit e këtij sezoni turistik ishte si dita e fillimit të sezonit, me trafik të rënduar edhe pse me  makina shumë më pak krahasuar me fillimin e sezonit.

Nga Balldreni deri në dalje të Lezhës lëvizja e makinave u rëndua shumë nga pasditja dhe kjo situatë  vazhdoi deri në orët e mbrëmjes.

Shkak i radhëve kolimetrike, sipas policisë është largimi i pushuesëve nga bregdeti i Shëngjinit dhe Velipojës në drejtim të Kosovës.