Lezhjani i fundit!
nga Agim Popoci
Pasi realizoi ëndrrën e Aleksandar Vuçiçit dhe partisë së vetë kriminale, PS, duke sanksionuar Kosovën në betejën e saj për ruajtjen e sovranitetit dhe integritetit territorial, pasi e bëri Qarkun e Kukësit më të varfrin në tokën shqiptare ndërsa i vuri çmim lëvizjes së gjithë shqiptarëve nga ky Qark drejt Tiranës, pasi riinstaloi komunizmin në Shkodër dhe sot me krenari në Ditën e Republikës së Titos brohoritet sërish edhe nga shkodranët “Enver Hoxha, Enver Hoxha”, pas dhjetë vjet sundimi duke shuar edhe debatin mbi “Gjermanin e Fundit në Shkodër” , Edi Rama kaloi Urën e Bahçallëkut duke filluar projektin e tij të frikshëm në atë grusht veriu që ka mbetur në jetë vetëm falë turistëve kosovarë, Shëngjin!
Jo pse vazhdon të jetë në jetë dilema e 28 apo 29 Nëntorit dhe i duhet dhënë grushti i fundit edhe këtij vendi, jo pse gjaku i Skënderbeut mund të ketë lënë ndonjë ind ndër shqiptarë që mund ti pengojë qëllimet e tij, por, thjeshtë sepse kjo është pika e fundit turistike që zoti i ka falë bukurinë, dhe, është në Veri!
Ta zhdukë nga faqja e dheut nuk e bënë dot, ta bëjë të gjithën komuniste nuk do ngatërrohet kot me Kishën, ndryshe nga paraardhësi i tij Enver Hoxha që nuk e përdori vetëm për qëllime serbe, por, që mund ta lë pa lezhjanë edhe gjithë Qarkun e Lezhës, këtë e kuptoi vetëm në një ditë të bukur taljone!
Ideja fashiste e kryeministres italiane Giorgia Meloni për refugjatët e Italisë në shtetin e Edi Ramës, sundimtarit iu duk se i piku nga qielli!
Por si do ta realizoi?!
Në shtetin e Edi Ramës, ku shqipet pranojnë të harrojnë dhjetëra mijëra familjarë që i vrau partia e Ramës vetëm pse sot iu gjet një vend pune në Kryeministri ose institucionet vartëse të saj, falin dhe përndjekjen politike të familjeve që iu bëri partia e Edit në kampet e përqendrimit vetëm që sot të punësojnë fëmijën e tyre në bashki, shqipet do ta pranojnë që edhe Portin e Shëngjinit që iu premtua Kosovës po nga partia kriminale e Edi Ramës, ti jepet refugjatëve nga Afrika!
Po, po është humane kjo racë e shqipeve e cila shumë shpejtë bie dakord me faktin që nuk e marrin pronën e rrëmbyer nga komunistët edhe kur iu jep të drejtën Gjykata e Strasburgut, dhe, miratojnë duke ulur kokën vendimin e kësaj Gjykate për 21 Janarin kur diktatori Edi Rama duke tundur vendimin u thotë se ndodhi hataja dhe kjo ngjarje duhet të hetohet përsëri!
Pse Kryeministri i gënjen me një vendim Gjykate të Strasburgut në dorë, ndonëse Gjykata flet vetëm për njërën nga vrasjet që nuk është hetuar si duhet, shqipet e malit nuk e kanë për gjë edhe pse nuk fluturojnë!
Para Edi Ramës shqipet kishin për Kryeministër po ashtu kriminel, Mehmet Shehun, ai i cili jo vetëm që i gënjeu por dhe i vrau si qen, me dorën e vetë, dhe sot shqipet e tjetërsuara i falin edhe gjakun duke i dhënë dorën të birit të tij; Pse ishin mijëra shqiptarë që i vrau, sot edhe nuk prish punë, sepse Edi Rama ka investuar shumë, ama shumë për të njehsuar mendimin shqiptar i cili jo vetëm që thotë se “Ne jemi Një”, por e beson se ata kishin mëkatuar shumë, dhe, kjo nuk ju falej dot: Ishin edhe shqiptar edhe nga Veriu!
Madje, sot, pas dhjetë vjet sundimi, kur Kryeministri duke shuar çdo gjë shqiptare jep dhe një zotim solemn, shqipet e malit si qenie humane që janë angazhohen dhe ia bëjnë shumë më të lehtë kreut të qeverisë, se sa zgjidhjen historike të “gjermanit të fundit në Shkodër”, duke e siguruar se ishin bindur që shqiptarëve të Kosovës nuk iu duhet “Porti i Shëngjinit” përderisa PS thotë se e kanë Serbinë, e cila ka Edi Ramën; Pra, dhe dy porte tjera shqiptare, në Durrës dhe Vlorë!
Dhe, pse mos të strehohen 30 mijë refugjatë afrikanë në Shëngjin, në këtë perlë turistike shqipe, ku shqiptarët e Kosovës nuk kanë se çfarë kërkojnë ashtu si lezhjanët në Qarkun e Lezhës, e për këtë është kujdesur Edi Rama, ai i cili e realizon gjithë këtë projekt vetëm për të mirën e partisë, duke mos lënë as dilema mbi 28 e 29 Nëntorin:
Largimin e lezhjanit të fundit!
