Listat për zgjedhjet e 7 Qershorit në Kosovë, vetëm LDK vjen ndryshe

Pas shpalljes së zgjedhjeve të pakuptimta parlamentare të 7 Qershorit me fajtorin ekskluziv dhe fituesin e zgjedhjeve të 28 dhjetorit, Lëvizjen Vetëvendosje, me publikimin e listave të kandidatëve për deputet rezulton se politikbërësit e partive që po i bijnë në qafë kot buxhetit të Kosovës nuk e kanë lodhur fare trurin, me përjashtim të Lidhjes Demokratike të Kosovës, LDK!

LVV, PDK dhe AAK mund të bazohen në rezultatin e zgjedhjeve të 28 dhjetorit 2025, por harrojnë se ato zgjedhje prodhuan vetëm zhgënjim, dhe listat për zgjedhjet e 7 Qershorit duhet të ishin një ofertë për një Kosovë që nuk prodhon stanjacion, antiamerikanizëm dhe përbuzje të qytetarit!

Kështu, Lëvizja Vetëvendosje vjen me një listë që ishte dhe ngeli e Albin Kurtit, ndërsa Vendimi për të mos zgjedhur Presidentin e Kosovës që nuk i takon LVV-së, sot është e sigurt se do ti kushtoj shumë kësaj partie përveç xhepit të qytetarëve që do paguajë këtë aventurë të panevojshme!

Me 53 kandidatët e përzgjedhur që dështoi në zgjedhjet e 28 dhjetorit 2025, Albin Kurti tashmë është e qartë se nuk ka mësuar asgjë nga pësimi dhe se deliri qenka gjë e madhe pas qëndrimit në pushtet edhe për njerëz të këtij kalibri.

Ndoshta LVV mund ti fitoj në të ardhmen sërish 57 mandate për deputetë, por me këtë listë në 7 Qershor nuk ndodhë as çudia dhe është shumë larg parashikimeve delirante për një fitore me 60 për qind, madje larg edhe për përsëritjes së fitores me 51 për qind.

LDK me kryetarin e saj Lumir Abdixhiku përveç se i dha një leksion të madh partive të Kosovës dhe jo vetëm me hapjen e saj, u pa se ka vend për të gjithë, edhe për Vjosa Osmanin që shprehu dëshirën të kthehet, edhe për këshilltarin e saj kot që nuk i vynë as dreqit, Kreshnik Çollaku, edhe për profesorin e nderuar Ferid Agani me Partinë e Drejtësisë dhe Alban Hotin nga Balli Kombëtar që të paktën një damar të vetëm e ka që e lidhë me kët parti, I Djathtë; Vend ka edhe për Hykmete Bajramin dhe Abdullah Hotin që janë kundër kësaj hapje dhe nuk kanë lidhje me politikë, dhe nuk i prishin punë askujt sepse ishin 95 kandidatë nga lista e zgjedhjeve të kaluara që dështuan!

LDK i dha edhe një tjetër leksion politikës shqiptare me xhudisten historike Majlinda Kelmendin, ndryshe nga shembujt tjerë, ajo i tha JO kandidmit për deputete të Lidhjes Demokratike të Kosovës edhe pse fitorja e saj ishte e padiskutueshme dhe zgjodhi të vazhdojë të jetë e Kosovës, pra, jo vetëm e LDK-së, shembull që figura të tjera publike shqiptare nuk e dhanë, në veçanti në Shqipëri ku zvarritja u bë sport kombëtar.

Sikur mos të ekzistonte LVV, PDK do të ishte zhgënjimi më i madh i këtyre zgjedhjeve. Si parti shtetëformuese që arriti të kaloi një hendek të madh ndërkombëtar në vitin 2007 dhe u rikthye në pushtet, siç duket, Partia Demokratike e Kosovës problem më të madhe e ka mosnjohjen e së kaluarës se sa ajo që përflitet, arrestimin e lidershipit në Hagë!

Ndërkohë Vendimi për ti thënë jo Fatmir Limajt me Nismën e tij pavarësisht se në cilat nivele është vendosur do të rezultoj vendim fatall për këtë parti.

Gjithësesi, sa është e ngatërruar është situata në këtë parti tregon edhe fakti se ajo nuk është publikuar ende, dhe, PDK futet në zgjedhjet e 7 Qershorit me persona të panjohur që dështuan në zgjedhjet e 28 dhjetorit 2025 që janë zëvendësuar me persona të panjohur që të garantuar e kanë vetëm dështimin!

Dhe, Aleanca për Ardhmërinë e Kosov ndonëse me vetëbesim të madh, e ardhmja e saj është më e rrezikuar nëse do të mund të kaloj pragun elektoral.

Në fund, zgjedhjet parlamentare 7 Qershorit do të jenë zgjedhjet e para me pritshmërinë më të vogël qytetare dhe më nuk bëhet fjalë se kë e do Albin Kurti për President, sepse cilado qeveri që do të marrë besimin qytetar para vetes ka një mal me probleme!