Live/ Nis punimet Kuvendi Kombëtar i PD

Nis punimet Kuvendi Kombëtar i Partisë Demokratike ku pritet të zgjidhet Këshilli i ri Kombëtar me të cilin do të vazhdoj dhe zgjedhja e syrukturave të reja të PD.

Pas konstatimit të Sekretariatit Teknik se të pranishëm në sallë janë 1.425 delegatë, nga 1830 sa janë në total, Kryetari i Komisionit të drejtimit të punimeve të Kuvendit të PD-së, Belind Këlliçi, çeli zyrtarisht punimet e Kuvendit Kombëtar të Partisë Demokratike.

Në prag të nisjes së punimeve të Kuvendit, lideri historik i PD, Sali Berisha, e quajti një ditë e një rëndësie të madhe madhe ku do të konstituohen forumet e saj si opozitë e vërtetë shqiptare.

“Së pari një përshëndetje të përzemërt të gjithë delegatëve, mbi 40 mijë anëtarëve që morën pjesë në këtë proces, zgjedhësve shqiptarë. Kjo është një ditë e një rëndësie të madhe pas ditëlindjes së dytë të PD-së në konstituimin e forumeve të saj si opozitë e vërtetë shqiptare.”

Ndryshe Komisioni i drejtimit të punimeve të Kuvendit të PD u zgjodh: Belind Këlliçi, kryetar, dhe anëtarë, Albana Vokshi, Edmond Spaho, Vili Minarolli dhe Ivi Kaso.

Ndërsa Sekretariati teknik: Av.Ledjo Nuraj, Minushe Lazaj dhe Nada Daullja.