Lobimi, Gjykata e Apelit shpall të pafajshëm Lulzim Bashën

Gjykata e Apelit ka lënë në fuqi vendimin e Shkallës së Parë për kryetarin e Partisë Demokratike, Lulzim Basha dhe dy zyrtarët e tjerë të PD, për lobimin në SHBA.

Pasi palët nuk paraqitën sot asnjë provë të re, Gjykata e Apelit shpalli të pafajshëm Kryetarin e Partisë Demokratike, Lulzim Basha, duke lënë në fuqi vendimin e Gjykatës së Shkallës së Parë.

Prokuroria e Shkallës së Parë akuzonte Lulzim Bashën për falsifikim formularësh bashkë me Ish-Sekretarin e Përgjithshëm të PD, Arben Ristani dhe financierin, Ilir Dervishi.

Pasi Lulzim Basha u shpall i pafajshëm nga Gjykata e Shkallës së Parë, Prokuroria ankimoi vendimin, duke vijuar akuzën për falsifikim formularësh nga Basha, pasi dyshohej se kishte fshehur dy pagesa të kryera në SHBA për lobim, dhe madje edhe një  lidhje me Nik Muzin, por nuk u gjetën prova prandaj dhe akuzat ranë.

Pas këtij vendimi ka reaguar koordinatori i akuzave kundër Lulzim Bashës, kryetari i Grupit Parlamentar të PS, Taulant Balla, i cili vendimin e sotëm të Gjykatës së Apelit edhe pse është i formës së prerë, nën petkun e qeveritarit Tualanti nuk e konsideron pafajësi të liderit të PD, por thjesht vonesë të drejtësisë.

I vendosur që Lulzim Bashën ta shpallë fajtor se s’bënë, Taulant Balla jo në Gjykatë por në Facebook publikon disa të dhëna të tjera, që sipas tij, faktojnë lobimin e Bashës prej 675 mijë dollarësh. Dhe jo vetëm kaq! Taulant Balla paralajmëron se ditët në vijim do të paraqesë kallëzim të ri penal në SPAK ndaj Kryetarit të Partisë Demokratike.

Ja postimi i plotë:

Reagimi i Ballës:

Koha kur në Shqipëri, drejtësinë e bënin gjyqtarë pa vetting ka mbaruar. Vendimi i sotëm i Gjykatës së Apelit Tiranë, nuk i ka dhënë pafajësi Lulezim Bashës, thjeshtë ka vonuar DREJTËSINË.

Dosja kriminale “Basha 675mijë dollarë” përmban dokumenta të publikuara në faqen zyrtare të Departamentit Amerikan të Drejtësisë (Akti i Rregjistrimit të Agjentëve të Huaj).

1. kontrata të firmosura nga Lulzim Basha me numër pashaporte diplomatike DB1159763
👉dokumenti i parë (foto)

2. Shërbime të faturuara në emër të Partisë Demokratike në shumën totale 675.000 dollarë
👉dokumenti i dytë (foto)
https://efile.fara.gov/…/6414-Supplemental-Statement-201711…

3. Është deklaruar zyrtarisht se kompania guackë Biniatta Trade do të kompensojë/do të paguajë Muzin për shërbimet e ofruara në emër të Partisë Demokratike.
👉dokumenti i tretë (foto)
https://efile.fara.gov/docs/6414-Exhibit-AB-20171114-2.pdf

Fakti është që Lulzim Basha ka përfituar një shërbim me këto para. Për një shërbim të përfituar me fonde me burime të padeklaruara, a duhet hetuar?

Këto fakte do të paraqiten në një kallzim të ri në Prokurorinë e Posaçme kundër Korrupsionit dhe Krimit të Organizuar në ditët në vijim.