Lulzim Basha vazhdon me largimet, Alfred Rushaj nuk do ta kundërshtoj më dyshen Basha-Bardhi
Pas përjashtimit të mbështetësve të liderit historik të Partisë Demokratike, Sali Berisha, sot kryetari i shkarkuar i PD, Lulzim Basha, e kishte më të lehtë të mbajë mbledhjen e Këshillit Kombëtar, dhe risi e kësaj mbledhje ishte edhe përjashtimi i atij që kishte kundërshtuar përjashtimin masiv të cilin e vendosën dyshja kriminlae Basha-Bardhi, Alfred Rushaj.
Në postin e Kryetarit të Grupit Parlamentar, Alfred Rushajn e zëvendësoi Enkelejd Alibeaj ndërsa këtë të fundit e zëvendësoi ai i cili zëvendëson çdo vend bosh kur nuk ka njeri tjetër, Agron Gjekmarkaj!
Këto propozime pas përjashtimit të deputetëve demokratë nga partia, si dhe ato nëpër Komisione e Byro të Parlamentiti u miratuan ashtu siç e do Stalini, në unanimitet dhe asnjëri prej anëtarëve të Këshillit Kombëtar që lobuan kundër Alibeajt në ditët e para të ardhjes së Alfred Rushajt në parti sot nuk u dëgjuan; Ose më saktë, nuk morën urdhër nga histeriku Gazment Bardhi!
Fillimisht, Lulzim Basha i informoi për vendimet duke ju bërë me dije se duhet të heshtin:
“Fillimisht dua tju informoj se me një vendim të përbashkët timin dhe të Kryetarit të Grupit Parlamentar z. Alfred Rushaj, kemi vendosur me dakordësi, që drejtimi i Grupit, me sfidat e reja që kemi përpara, t’i kalojë z. Enkelejd Alibeaj. Edhe pse z. Rushaj nuk është sot prezent në mbledhje për arsye shëndetësore, unë dua ta falenderoj atë për gjithë punën e jashtëzakonshme që ka bërë gjatë kësaj periudhe, dhe bashkërisht jemi duke punuar për një projekt të përbashkët politik për të ardhmen, që ndihmon dhe con përpara sfidat që ka PD,” u shpreh Lulzim Basha ndërkohë anëtarët prezent të Këshillit Kombëtar duke e konfirmuar se sa të pafytyrë që janë iu bashkuan atyre që sot pranuan të zëvendësojnë kolegët e tyre edhe pse ishin shprehur se janë fyer kur Basha nuk i përfilli me rastin e përzgjedhjes së drejtuesve të komisioneve parlamentare dhe sot miratojnë në heshtje propozimet e po këtij njeriu.
Kështu të përjashtuarit do të zëvendësohen nga:
Kryetar i Komisionit të Shëndetësisë: Grida Duma – zëvendëson Albana Vokshin, e përjashtuar nga Partia Demokratike me vendim të kryesisë së PD.
Kryetar i Komisionit të Arsimit: Flutura Açka – zëvendëson Agron Gjekmarkaj, i cili u miratua në postin e nënkryetarit të PD.
Nënkryetar i Komisionit të Ligjeve: Dhurata Çupi – zëvendëson Oerd Bylykbashin i pezulluar me vendim të kryesisë së PD.
Sekretariati për Buxhetin: Xhelal Mziu (sekretar) – zëvendëson Belind Këlliçi i pezulluar me vendim të kryesisë së PD.
Sekretariati për Procedurat, Votimet dhe Etikën: Bledion Nallbati (anëtar) -Enkelejd Alibeaj, i cili merr postin e kreut të grupit parlamentar në vend të Alfred Rushajt.
Sekretariati për Statusin e Deputetit: Dashnor Sula (sekretar), – zëvendëson Grida Dumën, e cila u u propozua si kryetare e komisionit të shëndetësisë.
Sekretariati për Kërkimin Parlamentar, Bibliotekën dhe Botimet: Lindita Metaliaj (anëtar) – zëvendëson Dhurata Çupin që bëhet nënkryetare e komisionit të ligjeve
Në fund, sot u miratua edhe Rregullorja e re e cila do ti shërbej imagjinatës së Lulzim Bashës dhe Gazment Bardhit për ti përmbushur deliret e tyre në realitetin ku jetojnë.
