LVV nuk e voton kandidatin e PDK për Nënkryetar, ndërpritet seanca konstituive e Parlamentit Kosovës
Kryetarja e Parlamentit të Kosovës, Albulena Haxhiu, në vazhdim të seancës konstituive ka bërë të ditur se shefat e grupeve parlamentare kanë rënë dakord që nënkryetarët e Parlamentit të votohen veç e veç, por, sërish ishte Lëvizja Vetëvendosje që bllokoi procesin.
Ende pa ardh deri te votimi i Nënkryetarit serb Slavko Simiç i cili ishte dhe arsyeja e ndërperjes së seancës së kaluar pasi kryetari i Grupit të tij Parlamentar e propozoi “në emër të popullit serb”, Lëvizja Vetëvendosje, LVV, shpik bllokadën e radhës duke mos votuar kandidatin e PDK për Nënkryetar, Vlora Çitaku.
Në këtë situatë, kur kandidati i LVV, Ardian Gola, u votua nga të gjithë deputetët duke përfshirë edhe ata të PDK-së, por ata të LVV-së nuk e votuan kandidaten e PDL, Vloa Çitaku, duke kërkuar nga kryetarja e Parlamentit, Albulena Haxhiu, që të ndryshojnë kandidaturën, deputetët e PDK u detyruan të largohen nga seanca ndërsa kryeparlamentarja Haxhiu të ndërprejë seancën konstituive të Parlamentit të Kosovës .
Pas kaj situate, Kryetari i Partisë Demokratike të Kosovës, Bedri Hamza, tha se partia e tij nuk do të marrë më pjesë në punimet e Parlamentit të Kosovës dhe se çështjen do ta dërgojë në Gjykatën Kushtetuese.
“Prej sot, Partia Demokratike e Kosovës nuk ka asnjë arsye me marrë pjesë në punimet e Kuvendit të Republikës së Kosovës dhe ne do ta referojmë, do ta dërgojmë lëndën në Gjykatën Kushtetuese,” u shpreh Hamza duke shtuar se afatet kushtetuese për përfundimin e procedurave kanë skaduar më 7 gusht dhe se ato nuk po respektohen.
Dhe jo vetëm kaq! Sipas Hamzës, nuk po respektohet as aktgjykimi i Gjykatës Kushtetuese lidhur me mënyrën e votimit, për të cilin ai tha se kërkohet konsensus.
“Nuk ka konsensus. Ne e patë me qëllim të konstituimit të Kuvendit, e votuam të propozuarin nga radhët e Lëvizjes Vetëvendosje, ndërsa ata nuk e kanë propozuar kandidaten!”
Ndryshe, propozimet për nënkryetar të Parlamentit janë: Ardian Gola nga VV-ja, Vlora Çitaku nga PDK-ja e Kujtim Shala nga LDK-ja. Emilja Rexhepi dhe Sllavko Simiq janë nga komunitetet joshumicë.
