Magjari n’akull!

nga Agim Popoci

Kur historiani dhe njohësi i famshëm i Mesdheut, Fernand Braudel, mbrojti doktoraturën “Mesdheu dhe Bota Mesdhetare në Epokën e Filipit II”, një nga vlerësuesit e kësaj teze e qortoi kandidatin e ri për neglizhencën e rolit dhe kuptimit të magjarit në historinë e Mesdheut. Magjarit, si kafsha shtëpiake më e dobishme dhe universale e paraardhësve tanë, ishte sugjerimi i vlerësuesit, duhet t’i jepet respekti i duhur.

Sikur këtë sugjerim ta dinte Kryeministri më i palexuar në historinë e shtetit shqiptar, Ilir Meta, duke e ditur se bëhet fjalë për një puro Gomar, nuk do të gajasej me Kryetarin e Bashkisë Tiranë, Edi Rama, kur pëlliste i ekzaltuar me fitoren që do vjedhin në zgjedhjet parlamentare në vitin 2001, me Dushkun e Celibashit:

O Doktoooooor… 

As nuk do të mrekullohej me këtë pëllitje, sepse Edi Rama nuk po komunikonte me komunistët e Likes që ishin mbledhur në Sheshin Skënderbe, por me magjarët e tij që natyra ju ka dhënë dhuntinë të mund të dëgjojnë dhe t’i përgjigjen Magjarit të tyre në 95 kilometra largësi.

Dhe, duke përdorur këtë zog magjari në luftën e tij kundër Fatos Nanos, duke shpërfillur faktin se ai një ditë do të jetë një Magjar, të cilit natyra i ka dhënë një kujtesë të mahnitshme që i njehë zonat ku ka qëndruar si dhe magjarë të tjerë me të cilët u shoqërua 25 vjet më parë, Ilir Meta nuk e përfilli as shkencën e cila thotë se jetëgjatësia mesatare e një magjari është 27 vjet, sepse, sot, Edi Rama do të ngordhte politikisht dhe Likja do të ishte i lirë, duke bërë me bidonët e ujit, çfarë ti donte kokrra e qejfit.

Por, ky analfabet politik që për synim kishte ta arrestoj vetëm Sali Berishën, përveç natyrës dhe shkencës nuk respektoi as proverbin e popullit i cili thotë se Magjari pëllet kur është i ngopur, pra, mirëqenia ose ngopja e tepërt tek disa personazhe mund të shkaktojë arrogancë ose veprime të panevojshme prej budallait.

Sot dikush mund ta arsyetoj Ilir Metën si Kryeministër se para kishte një Magjar me stazh të shkurt partie, Ministër Kulture nga viti 1998 dhe vetëm dy vjet Kryetar Bashkie i Tiranës, por, përderisa nuk lexon, Likja mund  ta dëgjonte popullin i cili po ankohej se Edi Rama po kërkonte ryshfet për çdo leje ndërtimi dhe për çdo shërbim tjetër në Bashki; Ndërsa proverbi i po  këtij populli flet edhe për situatën kur Magjari është i ngopur, kalon çdo kufi, bëhet shumë kërkues, dhe, bëhet edhe shumë i fortë.

Por, jo, Likja u magjeps në KPD-në e famshme nga fjalimi i zjarrtë i Magjarit duke menduar se vërtetë po i shkërdh… mamaja duke punuar, dhe nuk kishte birë nëne, as birë kurve që mund ta akuzoj se i ka dhënë para, dhe, u shkri nga kënaqësia kur pandehur doli nga goja e Magjarit se lideri historik i kësaj partie kriminale, Fatos Nano, na qenka edhe Robert Çamçakizi!

Kjo magjepsje, Ilir Metës do ti bie kokës, shumë shpejtë ndërtuesit do ta akuzojnë Kryetarin e Bashkisë Tiranë, Edi Rama, se i kanë dhënë 20% për çdo leje ndërtimi, por ishte vonë për Liken sepse Magjari tashmë ishte edhe Kryetar i PS!

Në panik për karrierën e tij, Likja nuk e kishte parasysh jetëgjatësinë e Magjarit i cili ndërkohë vazhdonte dhe po ngopej, bëri gabim pas gabimi, sërish i dhuroi pushtet pa e respektuar popullin, proverbi i të cilit thotë se kur Magjari

është i ngopur, në mirëqenie fillon të sillet në mënyrë të paarsyeshme ose fillon të shkaktojë probleme nga mërzitja dhe përtacia e pastër.

Dhe, kur Magjari u bë Kryeministër, pasi shkatërroi gjykatat në emër të Reformës dhe kanabizioi vendin në emër të mirëqenies, përveç Saliut arrestoi edhe vetë Liken që e solli në pushtet, ndërsa shtypi dhe keqtrajtoi çdo njeri që mendonte ndryshe nga ai!

Me synimin për të zhdukur opozitën, në mërzi e sipër u kujtua të krijoi një opozitë me një Lafshë por u zhgënjye rëndë, nuk i doli gjë as opozita me Gon e me Llapë sepse Saliu i dilte gjithkund para, si në gjykatë ashtu dhe në zgjedhje, dhe, nuk po gjente formulën e pagëzimit se si zhdukte popullin opozitar që vazhdoi ta votoi PD-në e Saliut!

Magjari i ngopur u kujtua për Armët Kimike kur ngriti popullin në këmbë për ti thënë Amerikës, jo, dhe para popullit u shfaq Revolucioni Flamingo me interesim të veçantë për mediat ndërkombëtare!

“Rama në burg, Berisha në burg” nuk është thjeshtë një pëllitje e zogjve të Magjarit, as këngë dasme për llullët, gonët, llapët dhe ojqërat që po ekzaltohen gjatë këtyre ditëve në protestë, por një shpikje propagandistike e Magjarit për të zbuar njerëzit e Saliut nga Bulevardi, që shumë shpejt do të rezultoi me një dështim të suksesshëm! Madje, situata u komplikua paksa kur në këtë lum proteste Magjari po identifikon se si kanë filluan të notojnë edhe njerëzit e Lali Erit, Mamicës dhe gjithë ajo ushtri e hajdutëve të administratës socialiste që përfunduan në rrugë sepse nuk ndanë plaçkën me bandën qeveritare!

Dhe, derisa ndër qytetarët në Bulevard po kapen vetëm “Spiun të Saliut” ndërsa në tribunë vazhdojnë të dalin ca zogj Magjari që mjaftohen me dorëheqjen e Saliut sepse me logjikën e partisë së tyre me ikjen e tij ik dhe Kryeministri Rama, nëpër këmbët e protestueseve qarkullojnë lloj-lloj listash të drejtuesve të revoltës me shumë ambientalistë dhe shumë më shumë Spiunë të Sigurimit ose pasardhës të tyre, si dhe sorosistë të thekur të ditëve të para të pushtimit të tokës shqiptare nga ky Fondacion kriminal; Ndërsa ata që po kërkojnë ta rrëzojnë Edi Ramën nga froni dhe flasin për SPAK-un me superlativa por nuk kërkojnë burg për Belinda Ballukun që po kërkon kjo Prokurori e Posaçme, po presin vetëm se kush do të ulet në fronin e organizatorit pa paragjykuar se sërish Edi Rama mund të fus duart sepse qëllimi i tyre është fisnik, ndonëse nuk e përjashtojnë manipulimin!

Nuk ka se si të jetë ndryshe edhe me këtë rast, kur Magjari është i ngopur dhe ashtu siç thotë dhe proverbi i popullit, i qepet akullit për të rrëshqitur; Ndërsa të ngjashmit si bashkautor në këtë krim, që po mundohen ta shesin shtetin e Edi Ramës si model ku policia nuk ndërhynë kur protestat organizohen në mënyrë demokratike për dallim nga protestat e Saliut, pavarësisht nëse janë neomalësorë apo neoqytetarë, vazhdojnë të heshtin për kërkesat që vijnë nga Bulevardi së bashku me dorëheqjen e Kryeministrit, siç thotë dhe urdhri nga dita që filloi Revolucioni Flamingo, dhe, pa e pasur të qartë epilogun, vetëm shijojnë shfaqjen e Magjarit duke luajtur në akull!