Manjani i rikthehet propozimit të PD: Politikanëve t’i bëhet testi i drogës, kurrë nuk është vonë…

Ish-ministri i Drejtësisë, Ylli Manjani, përmes një postimi në rrjetin social ka kërkuar që politikanët t’i nënshtrohen testit të drogës.

Sipas tij, ky propozim po rezulton mjaft i rëndësishëm, sepse është urgjente të kuptojmë nëse drejtohemi nga droga apo nga mendje të ftohta.

Propozimi i Manjani më herët është hedhur nga Partia Demokratike, e cila në kuadër të ligjit të dekriminalizimit kërkoi që deputetët dhe politikanët në vend t’i nënshtrohen testit të drogës, por ky propozim në atë kohë u kundërshtua nga mazhoranca e atëhershme, PS-LSI.

Postimi i Ylli Manjanit:

Për fat të keq propozimi i PD, që politikanëve t’u bë bëhet testi i drogës nuk u pranua, kur u miratua ligji për dekriminalizimin.

Dukej si propozim absurd, por koha tregoi se ky test është i rëndësishëm për të kuptuar nëse drejtohemi nga droga apo nga mendje të ftohta.

Fundja në këtë vend u bënë turlilloj eksperimentesh absurde, le të ishte bërë dhe ky!

Është për të mirën e përbashkët. Turbullimi i mendjes së udhëheqësve hall i madh publik dhe meriton vemendje.

Kurrë nuk është vonë…