Marrëveshja e detit, Mitsotakis: Zgjerohemi deri në 12 milje në detin Jon! Edi Rama flet serbisht…

Kryeministri i Greqisë, Kiriakos Mitsotakis duke folur në seancën parlamentare për ratifikimin e marrëveshjeve me Italinë dhe Egjiptin për Zonat Ekonomike Eksluzive tha se Greqia do të rritet duke zgjeruar kufirin detar nga 6 milje në 12 milje, në detin Jon deri në kepin Tenara, Peloponez, bazuar në të drejtën ndërkombëtare dhe duke mos përfilluar vendimin e Gjykatës Kushtetuese të Shqipërisë që kohë më parë e tundte Kryetari i PS, Edi Rama duke akuzuar Sali Berishën.

Mitsotakis tha se për projektligjin që depozitohet shumë shpejt në parlamentin grek janë informuar ministri i Jashtëm i Shqipërisë dhe Italisë, madje Mitsotakis theksoi se ministri i Jashtëm i Greqisë, Nikos Dendias do të zhvillojë shumë shpejt një vizitë në Tiranë për diskutimin e çështjes.

Kështu arma më e fortë të cilën Edi Rama e përdori për ta rrëzuar Sali Berishën nga pushteti, Marrëveshja e Detit, dështoi ndërsa Rama kishte një surprizë në prag të zgjedhjeve parlamentare në Mal të Zi, ku të parit të vendit, Milo Gjukanoviçin, i shprehu mbështetje në gjuhën e Miladin Popoviçit!