Marrëveshje, BE: Ndalohet importi i naftës ruse!
Presidenti i Këshillit Evropian, Charles Michel, bëri të ditur se është arritur marrëveshja mbi ndalimin e importit të naftës ruse në BE.
“Kjo menjëherë mbulon dy të tretat e importit të naftës nga Rusia, duke ulur burimin e konsiderueshëm të financimit për makinerinë ruse të luftës. Kjo krijon dhe presionin maksimal që Rusia ti jep fund luftës,” tha Michel pas takimit të krerëve të Bashkimit Europian.
Tonight #EUCO agreed a sixth package of sanctions.
— Charles Michel (@eucopresident) May 30, 2022
It will allow a ban on oil imports from #Russia.
The sanctions will immediately impact 75% of Russian oil imports. And by the end of the year, 90% of the Russian oil imported in Europe will be banned. pic.twitter.com/uVoVI519v8
BE, gjithashtu ka ra dakord mbi ndalimin e 90 për qind të naftës ruse në bllok nga 27 vendet e Bashkimit Europian deri në fund të vitit 2022, tha Michel
Lidhur me këtë marrëveshje, gëzimin nuk e fshehu Presidentja e KE, Ursula von der Leyen.
“Jam shumë e lumtur që liderët arritën të bien dakord në parim për paketën e gjashtë të sanksioneve, kjo është shumë e rëndësishme. Falë kësaj, (këshilli) tani duhet të jetë në gjendje të finalizojë një ndalim për pothuajse 90% të të gjithë importeve të naftës ruse deri në fund të vitit. Ky është një hap i rëndësishëm përpara.”
Dhe jo vetëm kaq! Presidenti i Këshillit Evropian, Charles Michel, bëri të ditur se krerët e BE kanë ra dakord që bankën më madhe ruse Sberbank ta largojnë nga sistemi SWIFT dhe të ndalojnë edhe tri televizione shtetërore ruse dhe se do të sanskionohen personat përgjegjës për krime lufte në Ukrainë.
