Mediat e Ramës blof, Këlliçi nga Samiti PPE: PD, nuk ka pezullim as përjashtim!

Përkundër dëshirës së madhe të Edi Ramës dhe asqerit të tij Lulzim Basha për të përjashtuar Partinë Demokratike nga PPE dhe lajmit që shpërndanë në media, anëtari i Kryesisë së PD, Belind Këlliçi pjesë e Samitit të PPE tregon se e vërteta është krejt ndryshe.

“Mediat e Ramës dolën blof, Tabaku nuk vjen në PPE me të drejtë vote, por vjen si delegate nga Asambleja Parlamentare e Këshillit të Europës. Nuk është delegate e PD në Rotterdam. Deri në zgjidhjen e çështjes tonë ligjore është kërkuar që PD të mos jetë e përfaqësuar. Në mbledhjen e parë tre orëshe nuk ka qenë i pranishëm asnjë nga ne,” sqaron Këlliçi ashtu si dhe axhendën e ditës së nesërme:

“Ditën e nesërme do të ketë disa panele, unë jam i ftuar në orën 11:00 ku do të flitet për Ballkanin, zonja Vokshi do të jetë gjithashtu me mua. Nuk ka asnjë përjashtim, asnjë pezull të PD, por ka një vullnet të PPE për të mos ndërhyrë në punët e brendshme të PD dhe për t’i lënë demokratët që ta zgjidhin vetë këtë çështje.”

Ndryshe, Belind Këlliçi dhe Albana Vokshi ndonëse janë përjashtuar nga shefi i Enkelejd Alibeaj, Lulzim Basha, nga krerët e Forumeve, Rinor përkatësisht Gruas, ata në Samitin e PPE ishin ftuar në si kryetar të këtyre forumeve.