Masat Anticovid në Rusi, Turqia mund të mbetet pa gjysmë milioni turistë

Turqia mund ti humbas rreth gjysmë milioni turistë për shkak të kufizimit të udhëtimeve me avionë që në fuqi do të jetë deri në fillim të muajit qershor, tha ministri i Turizmit, Mehmet Nuri Ersoy.

Rusia bëri të ditur se deri më 1 Qershor do të kufizoj trafikun ajror me Turqinë për shkak të numrin rekord të infeksioneve me koronavirus dhe lockdownit të ri.

“Ndalimi mund të hiqet para afatit të caktuar nëse numri i të infektuarëve ulet. Turqia mund ti humb rreth gjysmë milioni turistë,” tha ministri Nuri Ersoy duke shtuar se nuk janë shënuar probleme me rezervime për këtë verë.

Ndërkohë ministri turk i Shëndetësisë, Fahrettin Koca, tha se një përfaqësi turke do të vizitoj pikat turistike në Turqi në mënyrë që të vërtetojnë zbatimin e masave për parandalimin e përhapjes së koronavirusit.

Ndryshe, vitin e kaluar pandemia ka shkurtuar të ardhurat nga turizmi për 2/3. Turizmi është një burim i rëndësishëm për ekonominë e këtij vendi dhe ndihmon në uljen e frikshme të pagesave gjatë këtij viti.