Mbyllet qarkullimi edhe tek Ish-Sheshi Shqiponja, ARRSH: Ja si do të devijohet trafiku…
Duke filluar nga e hëna e 26 tetorit, do të nisë edhe devijimi i trafikut në Ish-Sheshin Shqiponja, pasi po vijojnë punimet për ndërtimin e “Unazës së Mdhe”.
Qytetarët që do të dalin nga kryeqytetti do të kalojnë nga rruga te spitali Ushtarak e ata që do të futen në Tiranë do të hyjnë nga rrugës e Astirit, sqaron Autoriteti Rrugor Shqiptar.
“Drejtimi qarkullimit të mjeteve nga segmenti “Dritan Hoxha” për në rrugën “29 Nëntori” nuk do jetë më sipas rrethrrotullimit, në fazën 3 rrethrrotullimi hiqet. Do kemi një devijim të vogël në të djathtë në rrugën në rrugën dytësore, të gjithë e njohin si Raiffeisen Bank. Është bërë mbushja në aksin kryesor të trupit të rrugës për të mundësuar këtë devijim të lehtë, në drejtim të rrugës “29 Nëntori”, që është dalja për në Durrës.
Për të gjithë ata që qarkullojnë nga drejtimi i Durrësit në drejtim të Tiranës do jetë i njëjti plan qarkullimi deri në sheshin “Shqiponja”, duke marr devijimin në të djathtë për pjesën e Pallatit me Shigjeta. Për ata që duan të aksesojnë rrugën “Dritan Hoxha” do aksesohen në semaforin e rrugës “Abedin Rexha” e cila të nxjerr në pjesën e zonës së Helikopterëve dhe me tre rrugët dytësore aksesohen në rrugën “Dritan Hoxha”.
Qarkullimi i mjeteve nga rruga “Teodor Keko” për tek rruga “Dritan Hoxha” do bëhet po përmes rrugës “Abedin Rexha”. Pjesa e automjeteve që vjen nga Veri i vendit do të aksesohet nga ana e urës së Babrroit për të dyja drejtimet,” sqaroi Drejtori ARRSH, Ergys Verdho duke saktësuar se kjo situatë pritet të zgjasë për katër muaj, që përkon edhe me përfundimin e punimeve.
Ndërkoh përfaqësuesit e Policisë së Shtetit sqaruan me këtë rast se qarkullimi do të jetë i mundur vetëm për ambulancat.
“Plani është dinamik me ecjen e punimeve. Në rrugë do kenë akses vetëm ambulancat. Lutemi drejtuesve që vijnë nga Jugu i vendit të zgjedhin për kalim aksin Tiranë-Elbasan, kurse ata që vijnë nga Kavaja të përdorin aksin nga Ndroqi,” tha përfaqësuesi i policisë.
