“McGonigal” në Strasburg, Berisha: Incidenti në Zvërnec, Rama akuzon Ballukun

Kryetari i Partisë Demokratike, Sali Berisha, akuzoi sot Kryeministrin Edi Rama për lidhje me aferat korruptive dhe mbrojtjen që i bëri Ish-Zv/Kryeministres Belinda Balluku, duke mos i dorëzuar imunitetin, sepse liderit të opozitës ai është skllav i saj.

Ndërsa konstatoi se Edi Rama vuan nga “Lubofobia”, Kryetari i Partisë Demokratike tha se për ngjarjen e Zvërnecit, Rama po akuzon nën zë pikërisht Ballukun të cilë edhe e ka frikë.

Daljen e sotme para mediave, lider e opozitës e filloi duke fol për skandalin me ADS, i cili u ngrit pa vendim qeverie dhe me qëllim për të vjedhur me baxhanakun e tij.

“Jam sot për të denoncuar para shqiptarëve kopshtin e ri privat, minierën e floririt të familjes Rama apo AKSHI-n me një emër të ri, Albanian Digital Solutions.

E gjithë mafia e IT e ka në emërtimin e kompanisë fjalën solutions. Të gjitha kompanitë, me solution janë nja 35 kompani.
Për ngritjen e ADS-së, minierës të floririt të Edi Ramës, nuk ka një vendim të Këshillit të Ministrave, i cili do pasqyronte qartë kompetencat e këtij institucioni.
Është një mënyrë e gjetur për të kanalizuar fondet drejt kompanive të baxhos apo të kunatit të Lindës së Surrelit pa asnjë mekanizëm kontrolli si në rastin e kompanisë KAYO të famozit KAYO, vetëm se këtu skandali duket se thellohet shumë më tepër.
Siç thamë më lart, për ADS-në nuk ka asnjë ligj dhe vendim qeverie që të përcaktojë veprimtarinë e saj.
Të gjitha i janë lënë në dorë aksionarit kryesor të saj, AKSHI-t të Lindave famëzeza.
I vetmi VKM për këtë qëllim është ai i datës 20 maj 2026, i cili flet për miratimin e fondit prej 7 milionë eurosh në favor të ADS.
Ky vendim ka ardhur rreth 15 ditë pas regjistrimit të kompanisë shtetërore në QKB.
Pra, ajo që bie në sy është kjo: VKM nuk përcakton objektin e veprimtarisë. Nuk krijon vetë shoqërinë. Nuk miraton statutin. Nuk përcakton kompetencat. Nuk shpjegon marrëdhënien me AKSHI-n.
Asgjë!
Nuk përcakton modelin e kontrollit, kush do e kontrollojë, si.
Nuk sqaron regjimin e prokurimeve dhe çka është më e rëndësishme nuk shpjegon pse nevojitet kompania.
E kuptoni pra që është krijuar një monstër për të vjedhur në mënyrë të pandalshme.
E kuptoni, një vendim që nuk flet për asnjë për këto përcaktime, por vetëm t’i dhurojmë 7 milionë euro,” tha Sali Berisha duke konstatuar se Edi Rama i ka hequr çdo kufi vjedhjes me kompaninë ADS, kapitali shtetëror shkon tek privatët pa tenderim, përkatësisht, ADS është një kompani mbi ligjet, siç është Rama me Ballukun dhe Lindat e tij.

Lidhur me zhvillimin e ngjarjeve në Zvërnec, lideri i opozitës ka një version ndryshe nga ato që janë hedhur në tregun mediatik duke ju referuar fjalëve që thotë vetë Edi Rama se ja ka bërë Balluku!

“Sot në Europë nuk ka njeri, edhe miqtë e Edi Ramës që nuk e besojnë se prapa dosjes Balluku është Edi Rama. Në të gjitha analizat që janë bërë ka dalë se aty është çështje parash dhe çështje të tjera janë të parëndësishme.
Janë bërë analiza të shumëllojta në qendrat e politikëbërjes edhe vendimmarrjeve. Edi Rama del 100% i implikuar në dosjen Balluku. Qëndrimi i tij ndaj asaj kërkese, rreshtimi i tij i detyruar, i detyruar nga Lubi Balluku edhe sot, edhe sot është Lubia që e kontrollon atë.
Absolutisht. Jua them shqiptarëve me përgjegjësi të plotë. Ajo sot në Partinë Socialiste është po aq e fuqishme sa ç’ishte kur qe zëvendëskryeministre. Ajo sot në qeveri është po aq e fuqishme, ajo faktikisht është kryeministrja në hije sot.
Është kryeministrja në hije, e cila lëviz të gjitha fjet, dhe Edi Rama ka fobi tani. Tani po vuan nga lubofobia. Absolutisht po.
E morën për pak në prani të policisë e zvarritën sikur mos ishte njeri në Zvërnec, dhe ky kthehet e thotë mund të ma ketë bërë Lubia këtë. Po, ju them unë. Mund të ma ketë bërë këtë ajo i tha. Edhe prandaj u shkarkua ai me njerëz të Lubisë, sepse atë komisarin e Vlorës e kishte emëruar ajo. E kuptoni ju?
S’ka ç’i bën, është skllav i saj se ka 25 vjet që ajo është notere e vjedhjeve të tij. Edhe ajo e hedh në erë Edi Ramën 100 herë. 100 herë! Kjo është e vërteta. Imagjinoni ë? Mund të ma ketë bërë thotë ajo atë punë. Edhe prandaj u shkarkuan ata njerëz të Lubisë.
Prit se kam një problem këtu. SPAK-u vazhdon të jetë një organ politik. Nga 43 dosje të dokumentuara, jo më shumë, po që janë të finalizuara që ata kanë shqyrtuar për krimin elektoral, kanë çuar në gjykatë vetëm një, mbyllin masivisht.
Organ i shtypjes së pluralizmit politik. Pra në qoftë se qeveria nuk çon dosje, opozita çon dosje aty dhe ata dosjet e opozitës kanë tmerr t’i prekin. Se u thotë partia. Pra kanë ata probleme të thella të brendshme aty. Po ajo qëndron.
Është e paimagjinueshme që të kesh 253 mandate, e asnjë bos mafie nuk arrestohet në Shqipëri, asnjë! Të gjithë arrestohen kur dalin nëpër botë, po si gjejnë të tjerë të kaq kollaj dhe s’i gjejmë dot ne në tokën tonë? Sepse i njoftojmë, ikin.
Është një rebus aty. Prokuroria thotë i njofton policia, policia thotë jo i njoftojnë këta. Nga të dyja palët ka leak. Kjo është e provuar, është shumë e provuar.
Natyrisht, ndofta më shumë policia, nuk mund të them, por kjo është. Ka, ka të vërteta aty,” tha Kryetari i Partisë Demokratike i cili sqaroi dhe fatin e Komisionit Hetimor për çështjen McGonigal pas Gjykata Kushtetuese rrëzoi kërkesën e PD për ngritjen e Komisionit.

“Zbatoi porosinë e Edi Ramës! Të bllokosh hetimin e një skandali të përmasave më të mëdha ndërkombëtare, de facto rekrutimin me korrupsion të njeriut më të rëndësishëm të kundërzbulimit të FBI-së dhe përdorimin e tij kundër opozitës, kryen ose merr një vendim më të papërgjegjshëm që mund të marrësh.
Do ishte interesi më i madh i shqiptarëve dhe partnerëve tanë, zbardhja e plotë e atij super skandali. Por natyrisht, në atë vendim mund të kenë ndikuar edhe direkt lidhjet e gjykatësve me McGonigalin,” tha Kryetari i Partisë Demokratike, Sali Berisha, duke përfunduar i prerë:
“Edhe ne do ta hetojmë këtë punë. Do ta hetojmë, do e çojmë në Strasburg. Atë vendim ne do e çojmë në Strasburg.”