Me Guido Crosetton, Maqedonci: Kosova në NATO, garanci për stabilitet dhe paqe në Ballkan
Kosova në NATO-s garanton stabilitet dhe paqe në Ballkanin Perëndimor, tha Ministri i Mbrojtjes, Ejup Maqedonci, në takim homologun e tij italian, Guido Crosetton, ku temë e diskutimit ishte rritja e bashkëpunimit dhe anëtarësimi i Kosovës në NATO.
“Rikonfirmuam angazhimin e përbashkët të të Kosovës dhe Italisë, për të vazhduar partneritetin tonë dypalësh në fushën e mbrojtjes. E nënvizova qëllimin tonë për t’iu bashkuar NATO-s, për të garantuar stabilitet dhe paqe në Ballkanin Perëndimor dhe me gjerë. Grazie Italia!” tha Ejup Maqedonci përmes rrjetit social X pas takimit me ministrin italian të Mbrojtjes, Guido Crosetton.
Pleasure to host dhe Minister of Defense of 🇮🇹@GuidoCrosetto.
— Ejup Maqedonci (@EjupMaqedonci) March 29, 2024
Reaffirmed the joint commitment of 🇽🇰 & 🇮🇹 to continue our bilateral partnership in the field of defense.
Emphasized our goal to join @NATO & ensure stability and peace in WB and beyond.
Grazie Italia! 🇽🇰🤝🇮🇹 pic.twitter.com/XNxlnZ85X8
“Diskutuam rreth situatës së sigurisë në vend si dhe format se si mund të zgjerojmë bashkëpunimin në fushën e shkollimit si dhe trajnimit të ushtarakëve, e po ashtu në fushën e industrisë së mbrojtjes,” tha Maqedonci për takimin ku ka falënderuar homologun e tij italian për mbështetjen që Italia i ka ofruar Kosovës, veçanërisht në fushën e sigurisë dhe mbrojtjes duke qenë shteti me pjesëmarrjen më të madhe të trupave në kuadër të misionit të KFOR-it.
“Gjithashtu e njoftova rreth mbështetjes që jemi duke i ofruar Ukrainës përmes ofrimit të trajnimeve dhe dhurimit të automjeteve taktive e municioneve që pritet të dërgohen së shpejti. Kërkova mbështetjen e Italisë në proceset për anëtarësimin e Kosovës në BE dhe në NATO, për të cilën pranova dhe konfirmin nga ministri Crosetto se do të kemi mbështetjen e pakursyer të Italisë,” tha ministri i Mbrojtjes i Kosovës, Ejup Maqedonci, në takim me ministrin e Italisë, Guido Crosetton, duke bërë të ditur dhe dakordësinë se integrimi i Ballkanit në BE dhe NATO do të krijonte stabilitet dhe paqe të qëndrueshme.
