Me këmbë të mbarë, Distria Krasniqi në finalen e “Tokyo 2020”

Sportistët shqiptarë i filluan mbarë Lojërat Olimpike “Tokyo 2020”. Xhudistja nga Kosova, Distria Krasniqi, pas tri përballjeve ka triumfuar në Lojërat Olimpike “Tokio 2020”, duke arritur në finalen e madhe.

Xhudistja e Driton Kukës fitoi perballjen e parë me Ippon ndaj brazilianes, Gabriela Chibana, ndërsa në çerekfinale mposhti gjithashtu me ippon Chen Hao Lin në kategorinë deri në 48 kilogramë.

Gjysmëfinalja i shkaktoi pak vështirësi, Distrias me mongolezen Urantsetseg Munkhbat, por në fund e mposhti me Waza-Air duke siguruar pjesëmarrjen në finale dhe medaljen e parë olimpike.

Në finale, xhudistja Distria Krasniqi do të përballet me japonezen Funa Tonaki.