Video/ 447 mln euro, PD: Gjoba e Edi Ramës për familjet shqiptare!

447 milionë euro, kjo është gjoba e Edi Ramës për familjet shqiptare. Kështu shprehet Partia Demokratike duke shtuar se sa probleme të vogla dhe të mëdha për shqiptarët do të zgjidhte kjo shumë marramendëse, që fatkeqësisht do të kthehet në një peshë për buxhetin e çdo familje, që do të detyrohet të paguajë papërgjegjshmërinë e Edi Ramës.

“447 milionë euro nuk do të shkojnë për spitale, shkolla, kopshte, investime në infrastrukturë, ndihmë ekonomike për njerëzit në nevojë, por për të paguar dëmet e shkaktuara nga një pakicë që ka shkatërruar ekonominë dhe po varfëron shqiptarët. Në 8 prill 2021 Partia Demokratike ka depozituar në SPAK kallëzimin për çështjen ‘Becchetti’. Ne presim që ajo të hetohet me përparësi, sepse çdo orë vonesë tashmë përkthehet në një dëm ekonomik të pakthyeshëm për qytetarët,” shprehet Partia Demokratike duke sjell videodëshmi që nga momenti kur Kryeministri Edi Rama shprehej për gjyqet e Shqipërisë në Arbitrazhet Ndërkombëtare:

“Ka disa kohë që është ngulur në opinion ideja që ne kemi humbur arbitrazhe, por nuk kemi humbur arbitrazhe as edhe një.”