Me kreun e KLP, Yuri Kim: Thelbësore, puna të bëhet me integritet dhe transparencë

Duke i uruar suksese në postin e ri, Kryetarit të ri të Këshillit të Lartë të Prokurorisë, Fredi Balla, Ambasadorja e SHBA në Tiranë, Yuri Kim, thekson se thelbësore është që KLP të punojë me integritet dhe transparencë, për të siguruar standarde të larta dhe llogaridhënie të prokurorëve.

“U takova me Fredi Ballën për t’i uruar sukses në postin e tij të ri si Kryetar i Këshillit të Lartë të Prokurorisë. Thelbësore që KLP të bëjë punën e saj me integritet dhe transparencë për të siguruar standarde të larta dhe llogaridhënie të prokurorëve,” u shpreh Ambasadorja Yuri Kim përmes rrjetit social Twitter pas takimit me kreun e ri të KLP, Fredia Balla duke përfunduar:

“Do të vazhdojë të mbështesë të gjithë elementët e Reformës në Drejtësi.”