Me ndihmën e Inteligjencës Artificiale shkëmben mesazhe me mamanë e vdekur: Më tha…
Pas vdekjes së mamasë, Sirine Malas po kërkonte zgjidhje për pikëllimin e saj. “Kur je i dobët, i pranon të gjitha,” tha aktorja e e cila u nda nga mamaja në vitin 2015 kur u zhvendos nga vendlindja e saj në Siri, drejt Gjermanisë. Në Berlin ajo lindi fëmijën e saj të parë, vajzën Ischtar.
Shpresonte që Ischtar do ta takonte gjyshen e saj, por kjo nuk ndodhi. Najah vdiq nga problemet me veshkë në vitin 2018 kur ishte 82 vjeç. “Ajo më udhëhoqi në jetë. Më mësoi se si ta dua veten. E gjitha ishte e tmerrshme sepse ndodhi papritur,” rrëfente Sirine duke shtuar se sinqerisht dëshironte që ajo ta takonte vajzën e saj.
“Pikëllimi ishte i padurueshëm. Vetëm kërkon çfarëdo lloj dalje, për gjithë ato emocione… nëse nuk i zgjidhë, ato thjeshtë fillojnë që të vrasin, të zënë frymën. Dëshiroja rastin e fundit që të bisedojë me mamanë,” shtoi Sirine.
10 dollarë një orë bisedë
Katër vjet pas humbjes, Sirine iu drejtua Project December, AI, i cili thekson se mund të simuloj të vdekurit. Klientët plotësojnë një formular të shkurt online me të dhënat e personit që keni humbur, duke përfshirë moshën dhe marrëdhënien me klientin, shkruan Sky News.
Përgjigjet më pas futen në AI chatbot në bazë të cilit funksionon më pas OpenAI GPT2, versioni i vjetër i modelit të madh të gjuhës pas ChatGPT. Kjo gjeneron profilin në bazë të kujtimeve të klientit në personin e vdekur. Modele të këtij lloji kryesisht ushtrohen nga pjesa më e madhe e librave, artikujve dhe teksteve nga të gjitha anët e internetit në mënyrë që të gjeneroj përgjigje në pyetjet e ngjashme me pajisjen që parashikon fjalë.
Me çmimin prej 10 dollarëve, klientët mund t’i dërgojnë mesazhe chatbotit për një orë rresht. Për Sirine, rezultatet e përdorimit të chatbotit ishin “rrënqethëse”.
“Kishte momente kur ndjehesha se janë shumë real. Kishte momente kur mendoja se ashtu mund të përgjigjej cilido,” tha ajo duke shtuar se chatbot në rolin e mamasë së vete e quante Sirine me nofkën e saj të dashur – siç e kishte shkruar në formular – e pyeste si është me shëndet dhe i tha se po e vëzhgonte nga lartë.
Project December ka më shumë se 3000 përdorues, shumica prej të cilëve janë të interesuar për simulimin e bisedave me personat e dashur të cilët kanë vdekur.
Ideatori i këtij shërbimi, Jason Rohrer, tha se përdoruesit janë kryesisht njerëzit që të dashurit e tyre i kanë humbur papritur.
“Shumica e njerëzve që përdorin Project December për këtë qëllim kanë simulimin e bisedës së fundit me personin e dashur që ju ka vdekur dhe pastaj vazhdojnë tutje,” tha Rohrer.
“Mendoj se ka shumë pak klient që kthehen vazhdimisht dhe e mbajnë në jetë personin e vdekur,” tha Jason Rohrer, duke shtuar se nuk ka shumë dëshmi se njerëzit “bien” në këtë shërbim. Mirëpo, ka shqetësime se pajisje të këtij lloji mund të ndërpresin procesin natyral të pikëllimit.
