Mediat britanike: Spiunët e Putinit hakuan celularin e Truss!

Pas raportimeve se është hakuar celulari i Ish-Kryeministres Liz Truss, partitë opozitare në Britani të Madhe i kanë bërë thirrje qeverisë që të fillon hetimet.

Tabloidi britanik Daily Mail  raporton se sulmi kibernetik ka ndodhur gjatë verës kur Truss ishte ministre e Punëve të Jashtme dhe ishte në garë për kreun e partisë, por gjithçka u shua nga kryeministri i asaj kohe Boris Johnson dhe Sekretari i kabinetit të tij, Simon Case. 

Të implikuar spiunët e Putinit?

Spiunët që dyshohet se punojnë për Presidentin e Rusisë, Vladimir Putin, arritën të kenë akses në informacione konfidenciale, duke përfshirë këtu dhe bisedat mbi luftën në Ukrainë me zyrtarët e huaj, shkruan gazeta duke iu referuar burimeve anonime.

Burimet theksojnë gjithashtu se bisedat private të Truss dhe politikanit Kwasi Kwarteng ku kritikohet Johnson përfunduan në duart e hakerave, që ishin në rrezik nga një shantazh i mundshëm.

Opozita kërkon hetim

Partitë opozitare kërkojnë hetim mbi sulmin e mundshëm kibernetik, i cili do të vëjë në dyshim sigurinë kibernetike të Mbretërisë së Bashkuar, si dhe gjykimin e Johnson dhe Case, shkruan Guardian.

Zëdhënësi i qeverisë britanike tha se nuk komentojnë angazhimet e sigurisë së individëve dhe se qeveria ka sisteme të fuqishme për tu mbrojtur nga kërcënimet kibernetike. “Kjo përfshinë brifingje të rregullta për ministrat dhe këshilla mbi mbrojtjen e të dhënave të tyre personale dhe uljes së kërcënimeve kibernetike,” shkruan Guardian.