Mëngjes me tërmete në Korçë, qindra familje në çadra, shi dhe të ftohtë…

Mëngjesi i sotëm sërish filloi me tërmete të fuqishme të tokës në Qarkun e Korçës ku sipas Institutit të Gjeoshkencave, Energjisë, Ujit dhe Mjedisit, IGJEUM, nga ora 00:23 kanë ra pesë tërmete dhe më i fuqishmi ishte ai i orës 05:49 me magnitudë 3.9 dhe thellësi 1 km, e që ishte vetëm 15 km nga qyteti i Korçës; Dhe, i fundit u shënua në orën 06:45 me magnitudë 2.6.

Ndërsa Qendra Medhetare Sizmiologjike raporton për një termet të orës 07:49 që u regjistrua në rajonin e Greqisë por meqë ishte me magnitudë 3.6, dhe epiqendër vetëm 15 km nga Bilishti dhe 22 km nga Korça ai shqetësoi banorët e këtij Qarku që tashm ndjehen të pasigurt dh enë panik .

Ndryshe, pas tërmetit të fuqishëm të së shtunës dhe dhjetëra tërmeteve që goditën dje Qarkun e Korçës, qindra familje nga Floqi, Qafëzezi dhe Vidohova kaluan natën në çadrat e ngritura nga Ushtria, mes të ftohtit, reshjeve të shiut dhe tashmë një terreni të pabanueshëm.