Mëngjesi në avionin e “Blue Panorama”, tym, panik dhe frikë…
Udhëtimi në mëngjesin e sotëm me avionin e “Blue Panorama” është shoqëruar me panik dhe frikë të madhe tek pasagjerët që po fluturonin në linjën Tiranë-Ancona.
Njëri nga pasagjerët ka rrëfyer se avioni ka bërë ulje të detyruar pak minuta pasi ishte nisur nga Aeroporti “Nënë Tereza”.
Avioni ishte nisur në orën 07:00 të mëngjesit dhe gjithçka u duk normale kur në një moment avioni u mbush me tym dhe me pas erdhi ulja e detyruar.
“U nisem normalisht, bëmë gati 15 minuta udhëtim kur kabina u mbush me tym. Ishim 130 pasagjerë në bord, gra e fëmijë, kishte panik të madh,” ka rrëfyer pasagjeri për “Panorama” duke shtuar se vetëm atëherë avioni u kthye mbrapsht dhe bëri ulje të detyruar në Rinas. “Na thanë vetëm ka defekt teknik, asgjë tjetër, kjo është tallje,” rrëfen ai duke shtuar se tashmë janë nisur prapë drejtë avionit por te hyrja e tij nuk u thotë kush për të hipur lart.
