Mesazh për magjistratët, Ambasadorja Kim: Mos u dorëzoni, SHBA do të mbështesë Shqipërinë!
Ambasadorja e Shteteve të Bashkuara, Yuri Kim, është e bindur se reforma në drejtësi po jep rezultate ndërsa në 25 vjetorin e krijimit të Shkollës së Magjistraturës, i bëri thirrje magjistratëve të rinj të mos dorëzohen dhe të bëhen shpresë për Shqipërinë, duke i garantuar se SHBA do ti mbështesë.
“Ju sfidoj të jeni të guximshëm në bërjen e ndryshimeve. Ndërsa Shqipëria ndërmerr Reformat në sektorin e drejtësisë, këto duhet të ketë sukses për të mirën e të gjithë shqiptarëve dhe të ardhmen e Shqipërisë. Puna e shkollës së Magjistraturës kërkon shumë përpjekje. Ju uroj ju të diplomuar , ndërsa zgjohem në mëngjes përpiqem ti kujtoj vetes përse jam në këtë punë dhe shpresoj që edhe ju të shiheni çdo mëngjes në pasqyrë dhe ti thoni vetes. Unë do të jem pjesë e arsyes që populli im të ketë shpresë dhe do të jem pjesë e një Shqipërie më të mirë se tani,” ishte këshilla e Ambasadores së SHBA, Yuri Kim për magjistratët e rinj duke përfunduar:
“Kurrë mos u dorëzoni, SHBA do të mbështesë Shqipërinë!”
Ndryshe, në ceremoninë e 25 vjetorit të krijimit të Shkollës së Magjistraturës, mesazh inkurajimi kishte dhe Ambasadorja e BE në Shqipëri, Cristiane Hohman, e cila magjistratëve të rinj u tha t’i shërbejnë vendit dhe të mos bien pre e presioneve gjatë rrugëtimit të tyre.
