“Meta-Kryemadhi”, për vjedhjet komuniste SPAK vazhdon me “shërbim prove” edhe me nënën e Monikës

Pretenca e dhënë nga SPAK për dosjen e veçuar “Meta-Kryemadhi” nuk zhgënjeu komunistët! Prokuroria e Posaçme kundër Korrupsionit dhe Krimit të Organizuar paraqiti në GJKKO pretencën përfundimtare në procesin gjyqësor ndaj Fatime Kryemadhit, Pirro Xhixhos dhe Ema Çokut, dhe ndryshe nga akuzat spektakolare dhe dëshmitë që u publikuan në media, i gjithë spektakli u shfry duke përdor sërish formulën magjike si në çdo vjedhje komuniste, “shërbim prove”!

Kështu, për Fatime Kryemadhin, SPAK ka kërkuar 7 vite e 6 muaj burg. Si rezultat i gjykimit të shkurtuar, dënimi ulet në 5 vite burg, ndërsa Prokuroria e Posaçme ka kërkuar pezullimin e ekzekutimit të tij dhe konvertimin në 5 vite shërbim prove për shkak të moshës. Po ashtu SPAK ka kërkuar konfiskimin e shtëpisë së Fatime Kryemadhit.

Pirro Xhixhon, SPAK e akuzoi si fajtor për veprën e korrupsionit të kryer në bashkëpunim dhe kërkoi dënim me 4 vite e 6 muaj burg. Për shkak të gjykimit të shkurtuar, dënimi reduktohet në 3 vite burg. Dhe, për shkak të moshës dhe rrethanave familjare Prokuroria ka kërkuar të konvertohen në 4 vite shërbim prove.

Ndërkohë, për të pandehurën Ema Çoku, SPAK ka kërkuar që ajo të shpallet fajtore për veprën penale të pastrimit të parave dhe të dënohet me 7 vite burgim. Për shkak të gjykimit të shkurtuar, dënimi reduktohet në 4 vite e 8 muaj burg. Dhe, për shkak të rrethanave familjare, SPAK ka kërkuar që dënimi të konvertohet në 5 vite shërbim prove.

Për Monika Kryemadhin dhe Ish-Presidentin Ilir Meta, procesi po zhvillohet me procedurë të zakonshme, dhe ngelet për tu parë nëse i lejohet SPAK-ut të imagjinoj “rrethanat familjare” për Liken, pasi Mona nuk diskutohet, meqë nuk doli nga vatha; Që janë hajdut nuk e diskutoi njeri përderisa janë komunistë!