Milo Gjukanoviç ftohet në mëngjesin e lutjeve në SHBA

Presidenti i Malit Zi, Milo Gjukanoviç ka marrë ftesën që me bashkëshorten të marrë pjesë në mëngjesin e lutjeve të 71-të në Shetet e Bashkuara.

Zyra e Presidentit Malit Zi duke publikuar ftesën, thekson se mëngjesi tradicional i lutjeve mbahet çdo vit në fillim të muajit shkurt në Washington.

Ndryshe, kjo ftesë për mëngjesin e lutjeve bëhet publike një ditë pasi i dërguari i SHBA për Ballkanin Perëndimor, Gabriel Escobari, zhvilloi takime me Presidentin e Malit Zi, Milo Gjukanoviç, dhe Kryeministrin Dritan Abazoviç.

Në fund të kësaj vizite në Podgoricë, Gabriel Escobar e ka bërë të qartë dhe mendimin e Washingtonit për qeverinë eventuale të 44 e cila mund të zgjidhet pas ndryshimit të Ligjit për Presidentin.

“Çështja është nëse qytetarët e Malit Zi do të pranojnë formimin e Qeverisë së re pa zgjedhje, pas mendimit të Komisionit Venecias. Po futemi në një territor të ri dhe duhet të jemi të kujdesshëm,” është shprehur për televizionin publik RTCG, i dërguari i SHBA për Ballkanin Perëndimor, Gabriel Ecobar, duke paralajmëruar se vendimet e një Qeverie të këtij lloji mund të rrëzohen nga Gjykata Kushtetuese, ndërsa e bëri të qartë se Washingtoni do të shikoj se çfarë qeverie do jetë, çfarë do të bëjë kjo qeveri dhe a planfikon ti shpall zgjedhjet!