Milot – Tuneli Kalimashit, aksident i rëndë – 2 të vdekur dhe 1 i plagosur

Mëngjesi i sotëm vjen me lajme të këqija nga Rubiku, ku në një aksident të rëndë automobilistik te “Vau Shkjeze”, humbën jetën dy të rinjë shqiptar ndërsa njëri mbeti i plagosur.

Ngjarja e rëndë ka ndodhur rreth orës 02:30 në aksin Milot – Tuneli Kalimashit, shoferi Marsel Busho, 35 vjeç, humbi kontrollin dhe u përplas me mbrojtëset metalike anësore të rrugës. Për pasojë, njofton policia, mbetën të vdekur Denis Gjeta, 30 vjeç, dhe Marius Çeça, 31 vjeç, që të dy nga Tirana.

Vazhdon hetimi për sqarimin e plotë të rrethanave të aksidentit.

Informacioni paraprak:

Rreth orës 02:30, në aksin rrugor “Milot – Tuneli Kalimashit”, në vendin e quajtur “Vau Shkjeze”, Rubik, ka ndodhur një aksident automobilistik.

Shtetasi M.B. duke udhëtuar në këtë aks rrugor me automjet, ka humbur kontrollin mbi drejtimin e tij, ku mjeti është përplasur me mbrojtëset metalike anësore të rrugës.

Për pasojë kanë humbur jetën dy pasagjerët që ndodheshin në mjet, konkretisht shtetasit M.Ç. 31 vjeç, dhe D.Gj. 30 vjeç, banues në Tiranë, ndërsa drejtuesi i mjetit shtetasi M.B. 35 vjeç, ndodhet në Spitalin e Traumes Tiranë, nën kujdesin e mjekëve.

Grupi hetimor vazhdon punën për sqarimin e plotë të rrethanave të aksidentit.