Moti i keq, OSHEE: Situatë e përkeqësuar në Lezhë, Shkodër, Tropojë, Laç, Rreshen dhe Gjirokastër

Për shkak të motit të keq, me reshje shiu intensive dhe shkarkime atmosferike, Operatori i Shpërndarjes së Energjisë Elektrike, OSHEE, raporton se rrjeti i shpërndarjes elektrike në disa zona ka pësuar dëme.

“Situata paraqitet e përkeqësuar në Lezhë, Shkodër, Tropojë, Laç, Rreshen dhe Gjirokastër. Rëndësi të veçantë i është kushtuar furnizimit pa ndërprerje të hidrovoreve, spitaleve dhe institucioneve publike,” thekson OSHEE duke shtuar se grupet e avarisë po angazhohen pa ndërprerje pë rikthimin e nornalitetit në furnizimin me energji në të gjitha zonat e prekura nga defektet.

Informacion mbi situatën e furnizimit me energji

Për shkak të motit të keq, me reshje shiu intensive dhe shkarkime atmosferike, gjatë natës së mbrëmshme dhe orëve të para të mëngjesit të sotëm, rrjeti i shpërndarjes elektrike në disa zona në vend ka pësuar dëme.

Situata paraqitet e përkeqësuar në Lezhë, Shkodër, Tropojë, Laç, Rreshen dhe rajoni Gjirokastër.

Terreni i vështirë e ka bërë jo të lehtë punën e punonjësve të OSSH, megjithatë grupet e avarisë po angazhohen pa ndërprerje pë rikthimin e nornalitetit në furnizimin me energji në të gjitha zonat e prekura nga defektet.

Rëndësi të veçantë i është kushtuar furnizimit pa ndërprerje të hidrovoreve, spitaleve dhe institucioneve publike.