Moti i keq, paralajmërimi Peleshit: Kujdes! Priten reshje të dendura shiu!

Pas bilancit të situatës në terren ku janë krijuar disa problematika për shkak të motit të keq, Ministri i Mbrojtjes, Niko Peleshi, foli për kërcënimet nga reshjet dhe bora e ngricat në vijim ndërsa paralajmëroi reshje të dendura shiu në vend ndërkohë që lumi Buna ka dalë nga shtrati dhe Vjosa është pranë niveleve kritike të tij për shkak të prurjeve të mëdha.

“Priten reshje të dendura shiu në vend. Lumi Vjosa është pranë niveleve kritike. Ka shtim të përmbytjeve në zonat e Nënshkodrës. Shkarkimet po bëhen në mënyrë të kujdesshme nga KESH.

Gjatë ditës së djeshme përmendën dhe shkëputjet e energjisë elektrike. Ka pasur disa ndërprerje në zona të Shkodrës, Kukësit, apo dhe në Korçë. Sa i përket kuotave të lumenjve, Osumi është në rënie. Në Urën e Varur, ky lum është në kuota normale,” tha Niko Peleshi ndërsa për situatën me Liqenin e Shkodrës dhe lumit Buna shtoi:

“Drini në Shkodër, është në kuotë normale. Niveli i liqenit të Shkodrës është dhe gjysmë metri nga kuota kritike. Buna ka dalë nga shtrati. Në Lezhë kemi pasur disa vërshime në disa rrugë të qytetit.”