BE: Kosova dhe Serbia të respektojnë pa kushte marrëveshjen për targat

Bashkimi Evropian kërkon nga Kosova dhe Serbia qё të respektojnë plotësisht dhe pa kushte marrëveshjen dhe zgjidhjet pёrkatёse tё 23 nëntorit të vitit 2022.

Bashkimi Evropian përmes Zёdhёnёsit Peter Stano ka rikujtuar se konform marrëveshjes, Kosova dhe Serbia kanë ranë dakord për masat specifike në lidhje me targat, për të qetësuar situatën dhe për t’u fokusuar plotësisht në propozimin e BE-së për normalizimin e marrëdhënieve të tyre.

“Këtu përfshihet edhe dakordësia që Kosova tё përmbahet nga çdo veprim i mëtejshëm detyrues kundër pronarëve të automjeteve me targa KM dhe ruajtjen efektive të status quosë derisa çështja të mund të zgjidhet në dialog dhe gjendet njё zgjidhje e qëndrueshme. Dhe këtu përfshihet gjithashtu dakordësia që Serbia të mos lëshojë më targa të reja KM,” tha zëdhënёsi Peter Stano.

Nga ana tjetër, Peter Stano konfirmon se BE ka parasysh vendimin e Serbisë tё datёs 6 dhjetor 2022, qё ngjitësit e regjistrimit për targat KM nuk do të rinovohen.

“Siç kemi kuptuar, rinovimi i sigurimit dhe i kontrollit teknik kishte të bënte me automjetin dhe jo me targat, prandaj si i tillë nuk mund të konsiderohet si rinovim i targës,” konsideron zёdhёnёsi i BE duke pёrsёrit ftesёn për palёve që të respektojnë marrëveshjen dhe të fokusohen në normalizimin e marrëdhënieve bazuar në propozimin e BE-së.

Secila çështje rreth interpretimit tё asaj qё u dakordua mё 23 nëntor, sipas Zёdhёnёsit Peter Stano, duhet të diskutohet në kuadër të dialogut të lehtësuar nga BE-ja dhe jo “me veprime të pakoordinuara në terren, të cilat mund të destabilizojnë më tej situatën, e cila edhe ashtu ёshtё e brishtë”.

Ndërkohë, Bashkimi Evropian ka konfirmuar se nesër, Përfaqësuesi i posaçëm i BE për dialogun Kosovë -Serbi, Mirosllav Lajçak, do të kryesoj një vizitë të diplomatëve evropianë dhe amerikanë në Prishtinë dhe Beograd.