Mrekullia nga rrënojat e tërmetit në Turqi, dy persona shpëtohen pas 261 orëve

Nga rrënojat e tërmetit në Turqi, forcat e policisë së operacioneve speciale, vijnë me lajmin e mrekullueshëm se shpëtuan 26-vjeçarin Mehmet Ali Şakiroğlu dhe 34-vjeçarin Mustafa Avcı.

Kjo mrekulli ndodhi në rrënojat e një pallati në rajonin qendror Antakya në qytetin Hatay, ku dy persona janë shpëtuar të gjallë 261 orë pas tërmetit.

Ekipet që kryenin punime nën rrënojat e një spitali privat në lagjen Odabaşı, raporton Agjencia e lajmeve Anadolu përcaktuan se dy persona ishin gjallë.

Pas punimeve ku u përfshinë edhe forcat e policisë së operacioneve speciale, u shpëtuan 26-vjeçari Mehmet Ali Şakiroğlu dhe 34-vjeçari Mustafa Avcı.

Ekipet nxorën të gjallë nga rrënojat dy personat 261 orë pas tërmetit.

Më pas, Şakiroğlu dhe Avcı u dërguan në spital.

Ndryshe, nga tërmeti i fuqishëm i 6 Shkurtit me magnitudë 7.8 të shkallës Rihter me epiqendër rreth 26 kilometra nga qyteti Nurdagi dhe rreth 33 kilometra larg qytetit Gaziantep, pasuar me disa pasgoditje të fuqishme, aktualisht raportohen 38.044 të vdekur në Turqi dhe 5.800 të vdekur në Siri.