Nano fotografohet në Durrës, ja kë ka në krah…

Lideri historik i socialistëve dhe ish-kryeministri, Fatos Nano, ka qenë pjesëmarrës sot në një aktivitet të organizuar në Durrës. Nano është fotografuar në krah të Ali Ahmetit, ndërsa pak më tutje ishte ulur Sabit Brokaj, ish-deputet socialist dhe ish-ministër në qeverisjen e Nanos.

Nano është larguar nga jeta aktive politike në 2005, kohë kur dha dorëheqjen nga drejtimi i PS-së, ndërsa dy vite më pas tentoi të kandidonte për postin e Presidentit të Republikës. Tashmë Nano është zhvendosur në Vjenë, ndërsa herë pas here shfaqet në mjedisin politik shqiptar, duke tërhequr vëmendjen.