Nd/Sekretari amerikan i Shtetit nesër në Kosovë, takim me Presidentin Osmani

Ndihmëssekretari amerikan për Byronë Ndërkombëtare të Narkotikëve dhe Çështjeve të Zbatimit të Ligjit, Todd D.Robinson, nesër pritet të fillon një vizitë treditore në Kosovë.

Sipas agjendës së publikuar nga Departamenti amerikan i Shtetit, Nd/Sekretari Robinson do të qëndroj në Kosovë nga 20-22 Mars dhe do të takohet me Presidenten Vjosa Osmani dhe partnerët e Byrosë Ndërkombëtare të Narkotikëve në Prishtinë.

Ndryshe, para vizitës në Kosovë, Nd/Sekretari amerikan për Byronë Ndërkombëtare të Narkotikëve dhe Çështjeve të Zbatimit të Ligjit, Todd D.Robinson, nga 18-20 mars do të qëndroj në Tiranë ku pritet të takohet me Kryeministrin Edi Rama dhe partnerët tjerë që po mbështesin punën e Shqipërisë për të forcuar sundimin e ligjit, për të luftuar korrupsionin dhe krimin e organizuar, bënë të ditur Departamenti amerikan i Shtetit.