Ndërpritet seanca, deputetët e PD në foltoren e Kuvendit

Seanca në Kuvendin e Shqipërisë është ndërprerë, pasi Kryetari I Parlamentit, Gramoz Ruçi, nuk lejoi kreun e PD-së, Lulzim Basha të përfundojë fjalimin e tij.

Basha denoncoi fallsifikimin e dokumenteve nga ministri I Brendshëm, Fatmir Xhafaj, për të shpëtuar arrestimin apo ekstradimin e vëllait të tij, Agron Xhafaj, lidhur me dënimin që ka marrë nga drejtësia italiane me 7 vjet e 2 muaj burg për trafik ndërkombëtar droge.

Por pas 10 minutash fjalim, Ruçi I ndërpreu fjalën Bashës, ndërsa deputetët e opozitës u ngritën në foltoren e Kuvendit duke kërkuar nga drejtuesi I seancës që të lejojë kreun e opozitës të përfundojë fjalimin.

“z. Basha foli për një çështje jashtë rendit të ditës, koha e tij përfundoi, duhet të diskutojnë edhe të tjerët dhe t’ju japin përgjigje edhe për këto çështjet që foli kryetari I PD-së”, tha Ruçi.

Por deputetët e PD-së kërkuan prej tij që të lejojë kreun e opozitës të përfundojë fjalimin.
Ruçi vendosi ndërprerjen e seancës.