Ndjekjet e reja penale, Zv/ambasadorja amerikane: SHBA po këshillon prokurorët…

Zv/Ambasadorja amerikane në Tiranë, Leyla Moses-Ones, gjatë një takimi në Ministrinë e Brendshme tha se Reforma në Drejtësi nuk do të ndalet, dhe SHBA po këshillon prokurorët shqiptar që po sjellin ndjekje të dukshme të çështjeve penale.

“Ndihma jonë do të vazhdojë për Këshillin e Lartë Gjyqësor, atë të Prokurorisë dhe SPAK. SHBA po këshillon nga afër prokurorët shqiptar dhe po sjellin ndjekje të dukshme të çështjeve penale,” tha Leyla Moses-Ones duke premtuar ndihmë për institucionet e reja të Drejtësisë:

“SHBA do të mbështesin të gjitha institucionet  e reja të Drejtësisë, si SPAK-u, por më e rëndësishmja është që Reforma në Drejtësi po ecën përpara dhe nuk do të ndalet.”