Në Autostradat e Kosovës, sot ndalohet qarkullimi i kamionëve mbi 20 tonë

Duke filluar nga ora 11:00 deri në 17:30, për shkak të temperaturave të larta, të cilat parashikhet të arrijnë mbi 32 °C, Ministria e Infrastrukturës dhe Transportit ka bërë të ditur se sot në atuostradat e Kosovës do të ndalohet qarkullimi për mjetet e transportit të mallrave me masë totale mbi 20 tonë.

Ndërkohë, në rrugët nacionale, rajonale dhe lidhëse, qarkullimi i këtyre automjeteve do të lejohet pa kufizime.

Nga kufizimi përjashtohen automjetet e organeve të rendit dhe sigurisë publike, shërbimeve emergjente dhe institucioneve shëndetësore.

Ministria e Infrastrukturës dhe Transportit u ka bërë thirrje operatorëve ekonomikë dhe drejtuesve të automjeteve të transportit të mallrave që të respektojnë kufizimin e vendosur dhe të planifikojnë qarkullimin e tyre në përputhje me orarin e përcaktuar.