Në një bar kafe në Austri, i ndalohet hyrja atyre që vijnë nga Kroacia

Në Austri aktualisht ka 2.230 raste aktive të koronavirusit, dhe çdo ditë, rreth 1/3 e rasteve të reja janë njerëz që kthehen nga pushimet në Kroaci.

Kështu sot është shfaqur edhe një fotografi nga një bar kafe në Steiermark ku pronari ka vendos një paralajmërim se nuk lejohet hyrja e klientëve që kthehen nga pushimet në Kroaci, raporton portali austriak OE24,

“Jo për atat që kthehen nga Kroacia,” shkruan në tabelën që zakonisht shërben për të publikuar ofertat e ditës. Këtë veprim, pronari i bar kafes Franz Erart e arsyeton duke theksuar se nuk ka menduar asgjë të keqe.

“E kam vendosur këtë paralajmërim sepse kujdesem për klientët e rregullt,” tha Erart për OE24 duke shtuar:

“Nuk kam sgjë me njerëzit që kthehen nga Kroacia. Por vetëm nuk dua të cenoj shëndetin e të gjithë klientëve.” 

Pronari i bar kafes Franz Erart thotë se mbështet qeverinë kur thotë se njerëzit që kthehen nga pushimet, virusin e sjellin me makina ndërsa klientët e tij shprehen:

“Askush nuk dëshiron të infektohet!”