Mesazh në SPAK për Dumanin, Berisha: Sivëllait siamez të Irena Gjokës, drejtësia vonon, por nuk harron

“Armikut primitiv të pluralizmit politik dhe votës së lirë të shqiptarëve, mashtruesit të lindur, drejtësia vonon por nuk harron.
Sivëllait siamez të Irena Gjokës, drejtësia vonon, por nuk harron,” ishte mesazhi që Kryetari i Partisë Demokratike, Sali Berisha, i la ish-kreut të SPAK, Altin Dumani, pas oblgimit ligjor “detyrim paraqitje” në Prokurorinë e Posaçme duke vazhduar:

“Ju e morët vesh që kur u ndërpre vetingu, Dumani u emërua si kryevetor i Shqipërisë.
Ky kryevetor është një mashtrues i pafytyrë, i paskrupull, pa dinjitet. Ky kryevetor thotë se me datën 18.8.2006, bëri kontratë porosie, pra që do ndërtohej në vitin 2006, në një godinë pallat pesëkatësh 127.14 metër katrorë me shumën simbolike 50 mijë euro.
Por në faqen 8 të aktmashtrimit të tij, Dumani deklaron se ka filluar të banojë në këtë apartament prej tetorit të vitit 2004.
Pra thotë kontratën për blerje apartamenti e kam bërë me 18.8.2006, thotë në apartament kam filluar të banoj prej tetorit të vitit 2004.
A mund ta zbërthejë kush këtë mashtrim ordiner dhe qëllimet e këtij mashtrimi vulgar?
Dhe ky ka kryesuar institucionin kryesor të akuzës së vendit. Dhe ky është përgjegjës për vetingun e prokurorëve dhe gjykatësve.
Më thoni ju mua, ka ky njeri fytyrë, dinjitet, autoritet të kapë një dosje në dorë kur ndodhet para një mashtrimi të tillë që e nxjerr përnjëherësh jashtë nga shërbimi i tij?
Ky është vetingu i Dumanit, që ta dinë ata qindra gjykatës dhe prokurorë që janë larguar, ca me të drejtë, ca me të padrejtë, se ja kush e ka bërë vetingun e tyre. Dhe thotë se ka blerë në vitin 2006 me 390 euro.
Ky person kërkon bashkë me këtë xhelatin e Sigurimit të Shtetit, Krajën, që ndërtimet e viteve ’70 të kohës së diktaturës të vlerësohen me çmimet e tregut të vitit 2026.
Tani, ju që jeni gazetarë investigativë, u bëj thirrje të ndërmerrni një investigim ndaj këtij njeriu se i bëni një shërbim te madh, megjithëse u garantoj se kjo dosje do ta ndjekë atë gjer ditën e fundit të jetës së tij.
Për këtë mos ketë dyshim se edhe Irena arriti të tejkalojë, arriti, të mos përdor një term banal, KLGJ-në, ILD-në, Olsin e Prokurorisë së Përgjithshme dhe me radhë, por erdhi puna dhe i ngeci në sharrë.
Dhe ju, mediat, u ftoj prapë ta merrni atë dosje, të shihni se çfarë abuzimi të tmerrshëm ka në veprimtarinë e këtyre organeve, të cilat duhet të jenë të paktën në raport me ligjin, shembulli i zbatimit të tij,” tha Kryetari i Partisë Demokratike para SPAK-ut duke vahduar me skandalin e vilës së Altin Dumanit, vilë e cila në vitin 2003 u deklarua e përfunduar ndërsa në vitin 2004 rezultonte tokë arë.

“Por Dumani nuk ka vetëm këtë. Dumani, i cili ka nxjerrë nga vetingu gjykatës se ke pirë kafe me nipin tënd, nipi yt, i cili dyshohet se merret me këto dhe ato, vetë Dumani hedh valle me Andon Pangon, delinkuent, i dënuar 6 vite burg sepse në një pallat pesëkatësh, ku ka marrë zyrën, se ka dy këtu, edhe zyra, edhe apartamenti i banimit janë tek pallati i Andon Pangos, në këtë pallat pesëkatësh, ky zotëri pretendon se Andon Pango, që ndërtoi pallatin dhe që hodhi valle me të në Michigan apo në New York, i dërgoi badigardin e tij, të paguar nga shteti, nuk ndodh kurrë, për të nxjerrë një çift të moshuar nga apartamenti, të cilin Pango e kishte shitur dy herë.
Shikoni si është puna, prokurori dërgon badigardin për të nxjerrë dy të moshuar nga apartamenti që i kishin paguar Andon Pangos, por Andon Pango e kishte shitur për së dyti.
Cili ishte shpërblimi që merrte Dumani nga Andon Pango, atë duhet ta hetojnë organet kompetente.
Por vjen çështja interesante, ja një deklaratë e famshme e bërë nga vjehrri dhe vjehrra, prindërit e Dumanit,” tha Kryetari i Partisë Demokratike, Sali Berisha, ndërsa u ndërpre nga gazetarët duke u munduar t’i përcaktojnë edhe agjendën e tij me përbashkimin me atë të Edi Ramës, Zvërnecin, atij iu bë edhe me dije se në momentin që ai po fliste paralelisht me Kryeministrin Edi Rama, nga 12 media në një platformë, 11 po transmetonin Kryeministrin Rama dhe vetëm një fjalën e tij, ai shtoj:

“Fjalën e tij, e sheh? Dëgjojeni. Tani po flet dhe kryemashtruesi i kombit. Shikoni diagnozën. Po të doni hapni pak celularët dhe shihni. Nga 12 media, 11 transmetojnë vetëm mashtrimet e tij dhe censurojnë Sali Berishën.
Dhe, ky është turpi i atyre mediave të cilët i japin hapësirë totale dhe vendosin blackout, terr, ndaj opozitës. Dhe pastaj sapo shuhen, sapo ikën, janë njëlloj, janë të barabartë. Këta janë domethënë… është një problem i madh kjo narkomedia, por përsëri ne në betejën tonë synojmë çlirimin e saj. Ne jemi pro mediave.”